തെരഞ്ഞെടുപ്പിൻ്റെ ആദ്യഘട്ടം ആരംഭിക്കുന്നതിന് രണ്ട് ദിവസം മുമ്പ് തൃണമൂൽ കോൺഗ്രസ് തങ്ങളുടെ തിരഞ്ഞെടുപ്പ് പ്രകടന പത്രിക ബുധനാഴ്ച പുറത്തിറക്കി. കൂച്ച്ബെഹാർ, അലിപുർദുവാർ, ജൽപായ്ഗുരി എന്നിവിടങ്ങളിലാണ് 19-ന് ആദ്യഘട്ടത്തിൽ വോട്ടെടുപ്പ്.
ബംഗാളിൽ പൗരത്വ (ഭേദഗതി) നിയമവും ദേശീയ പൗരത്വ രജിസ്റ്ററും (എൻആർസി) യൂണിഫോം സിവിൽ കോഡും (യുസിസി) ഉണ്ടാകില്ലെന്ന പാർട്ടി കൺവീനർ മമത ബാനർജിയുടെ ആവർത്തിച്ചുള്ള ഉറപ്പ് ഉൾപ്പെടെ പ്രകടനപത്രികയിലെ 10 വാഗ്ദാനങ്ങളിൽ ഉൾപ്പെടുന്നു . സിഎഎ, എൻആർസി എന്നിവ നിർത്തലാക്കുമെന്നു പ്രഖ്യാപിക്കുന്നു. ബംഗാളി, ഇംഗ്ലീഷ്, ഹിന്ദി, ഉറുദു എന്നീ ഭാഷകൾക്ക് പുറമെ നേപ്പാളീസ്, സന്താലി ഭാഷയായ ഓൾ ചിക്കി എന്നിവയുൾപ്പെടെ ആറ് ഭാഷകളിലും പ്രകടനപത്രിക തയ്യാറാക്കിയിട്ടുണ്ട്.
പത്തു വാഗ്ദാനങ്ങൾ :
തൊഴിൽ കാർഡ് ഉടമകൾക്ക് 400 രൂപ ദിവസ വേതനത്തിൽ 100 ദിവസത്തെ ജോലി ഉറപ്പ് .
എല്ലാ പാവപ്പെട്ട കുടുംബങ്ങൾക്കും സൗജന്യ ഭവനം.
ബിപിഎൽ കുടുംബങ്ങൾക്ക് പ്രതിവർഷം 10 ഗ്യാസ് സിലിണ്ടറുകൾ സൗജന്യം.
എല്ലാ റേഷൻ കാർഡ് ഉടമകൾക്കും വാതിൽപടി സൗജന്യ റേഷൻ വിതരണം.
എസ്‌സി/എസ്‌ടി വിഭാഗത്തിൽ ഉന്നത വിദ്യാഭ്യാസത്തിനുള്ള അലവൻസ് വർദ്ധിപ്പിക്കും, പ്രതിമാസം 1,000 രൂപ ഓൾഡേജ് അലവൻസ് .
സ്വാമിനാഥൻ കമ്മീഷൻ ശുപാർശകൾ നടപ്പിലാക്കും.
പെട്രോ ഉൽപന്നങ്ങൾക്കുള്ള വില സ്ഥിരത ഫണ്ട് രൂപീകരിക്കും .
25 വയസ്സിന് താഴെയുള്ള ബിരുദധാരികൾക്കും ഡിപ്ലോമയുള്ളവർക്കും അപ്രൻ്റീസ്ഷിപ്പ്.
CAA റദ്ദാക്കും, NRC നിർത്തും. രാജ്യത്ത് ഏകീകൃത സിവിൽ കോഡ് ഉണ്ടാകില്ല.
രാജ്യത്തുടനീളമുള്ള പെൺകുട്ടികൾക്കായി കന്യാശ്രീ പോലുള്ള ക്ഷേമ പദ്ധതികൾ.
