കർണാടകയിലെ രാമനഗര ജില്ലയിൽ മാർച്ച് 31 ന് രാത്രി കന്നുകാലി വ്യാപാരിയെ കൊലപ്പെടുത്തിയ കേസിൽ പ്രതികളായ അഞ്ച് പശു സംരക്ഷകരെ ഗുജറാത്ത്, രാജസ്ഥാൻ പോലീസിന്റെ സഹായത്തോടെ രാമനഗര പോലീസ് രാജസ്ഥാനിൽ അറസ്റ്റ് ചെയ്തു. പശു സംരക്ഷകനായ പുനീത് കേരെഹള്ളിയെയും നാല് കൂട്ടാളികളെയും ആണ് പിടികൂടിയത്.
മാർച്ച് 31 ന് രാത്രി 11.40 ഓടെ കർണാടകയിലെ രാമനഗര ജില്ലയിലെ സാത്തനൂർ ടൗണിന് സമീപം ഹിന്ദുത്വ പ്രവർത്തകൻ പുനീത് കേരെഹള്ളിയുടെ നേതൃത്വത്തിലുള്ള അഞ്ചംഗ ഗോസംരക്ഷണ സംഘം ട്രക്ക് തടഞ്ഞു. തുടർന്ന് നടന്ന ആക്രമണത്തിൽ ഇദ്രിസ് പാഷ (39) എന്ന കന്നുകാലി വ്യാപാരിയെ രാവിലെ മരിച്ച നിലയിൽ കണ്ടെത്തി.
