കേരളത്തിൽ പുതിയതായി ഏഴു പേര്ക്കു കൂടി ഒമിക്രോണ് സ്ഥിരീകരിച്ചതായി ആരോഗ്യമന്ത്രി വീണാ ജോര്ജ് അറിയിച്ചു. ഇതോടെ സംസ്ഥാനത്ത് ആകെ 64 പേര്ക്കാണ് ഒമിക്രോണ് സ്ഥിരീകരിച്ചത്. പത്തനംതിട്ട 4, ആലപ്പുഴ 2, തിരുവനന്തപുരം 1 എന്നിങ്ങനെയാണ് രോഗം കണ്ടത്തിയത്. പത്തനംതിട്ടയില് രണ്ട് പേര് യുഎഇയില് നിന്നും, ഒരാള് അയര്ലന്ഡില് നിന്നും വന്നതാണ്. ഒരാള്ക്ക് സമ്പര്ക്കത്തിലൂടെയാണ് ഒമിക്രോണ് ബാധിച്ചത്.
ആലപ്പുഴയില് രോഗം സ്ഥിരീകരിച്ച ആണ്കുട്ടി ഇറ്റലിയില് നിന്നും ഒരാള് ഖത്തറില് നിന്നും വന്നതാണ്. തിരുവനന്തപുരത്തു രോഗം സ്ഥിരീകരിച്ചയാള് ടാന്സാനിയയില് നിന്നും വന്നതാണ്.