ഉത്തര്‍പ്രദേശില്‍ കോണ്‍ഗ്രസുമായി 11 ലോക്‌സഭാ സീറ്റുകളില്‍ ധാരണയായത് നല്ല തുടക്കമെന്ന് സമാജ് വാദി പാര്‍ടി നേതാവ് അഖിലേഷ് യാദവ്. “കോണ്‍ഗ്രസുമായുള്ള ഞങ്ങളുടെ സൗഹൃദസഖ്യത്തിന് 11 ശക്തമായ സീറ്റുമായുള്ള തുടക്കം മികച്ചതാണ്. ഈ പ്രവണത വിജയസമവാക്യമായി മുന്നോട്ടു പോകും, ചരിത്രം മാറ്റും”-യാദവ് എക്‌സ്-ല്‍ കുറിച്ചു.
80 പാര്‍ലമെന്റ് അംഗങ്ങളാണ് ഇപ്പോള്‍ യു.പി.യില്‍ ഉള്ളത്. നിതീഷ്‌കുമാര്‍ ബിജെപി പക്ഷത്തേക്ക് പോകുമെന്ന വാര്‍ത്തകള്‍ക്കിടയിലാണ് ഇന്ത്യ മുന്നണിയിലെ സഖ്യകക്ഷികളില്‍ ഒന്നായ എസ്.പി.യുടെ പക്ഷത്തു നിന്നുള്ള ഈ സൗഹൃദസന്ദേശം. ബിഹാറില്‍ ഇന്ത്യ മുന്നണിക്ക് വലിയ തിരിച്ചടിയായി മാറും, നിതീഷ്‌കുമാറിന്റെ ചേരിമാറ്റം.
