ദക്ഷിണേന്ത്യയിലെ ആളുകൾ ആഫ്രിക്കക്കാരെപ്പോലെയും കിഴക്കുള്ളവർ അറബികളെപ്പോലെയും കിഴക്കുള്ളവർ ചൈനക്കാരെപ്പോലെയും കാണപ്പെടുന്നു എന്ന ഇന്ത്യൻ ഓവർസീസ് കോൺഗ്രസ് ചെയർമാൻ സാം പിട്രോഡയുടെ വിവാദ പരാമർശത്തെ കോൺഗ്രസ് തള്ളിക്കളഞ്ഞു. ദ സ്‌റ്റേറ്റ്‌സ്മാന്‍ മാധ്യമം നടത്തിയ അഭിമുഖത്തില്‍ സാം പിട്രോഡ ഇന്ത്യയുടെ വൈവിദ്ധ്യത്തെയും അത് സൗഹാര്‍ദ്ദപരമായി നിലനില്‍ക്കുന്നതിനെയും പറ്റി നടത്തിയ ഉപമയാണ് വിവാദമായിത്തീര്‍ന്നത്. ഏതാനും ദിവസങ്ങള്‍ക്കു മുമ്പെയും പിട്രോഡയുടെ വാക്കുപ്പിഴയില്‍ വിവാദം ഉയര്‍ന്നിരുന്നു. കോണ്‍ഗ്രസിന് പിട്രോഡയെ തള്ളിപ്പറയേണ്ടിയും വന്നു.
“ ഇന്ത്യയുടെ വൈവിധ്യത്തെ ചിത്രീകരിക്കാൻ സാം പിട്രോഡ ഒരു പോഡ്‌കാസ്റ്റിൽ വരച്ച സാമ്യങ്ങൾ ഏറ്റവും നിർഭാഗ്യകരവും അസ്വീകാര്യവുമാണ്. ഇന്ത്യൻ നാഷണൽ കോൺഗ്രസ് ഈ സാമ്യതകളെ പൂർണ്ണമായും തള്ളുന്നു .” — മുതിർന്ന കോൺഗ്രസ് നേതാവ് ജയറാം രമേഷ് എക്‌സിൽ ഒരു പോസ്റ്റിൽ പറഞ്ഞു. സാം പിത്രോഡയുടെ പരാമർശങ്ങൾ “വംശീയ”മെന്ന ഭാരതീയ ജനതാ പാർട്ടിയുടെ വിമർശനത്തിന് പിന്നാലെയാണ് കോൺഗ്രസിൻ്റെ വിശദീകരണം.
“ഇന്ത്യയിലെ ജനങ്ങൾ 75 വർഷം അതിജീവിച്ചത് വളരെ സന്തോഷകരമായ അന്തരീക്ഷത്തിലാണ്, അവിടെയും ഇവിടെയും കുറച്ച് വഴക്കുകൾ ഉള്ളത് മാറ്റി വെച്ച് ആളുകൾക്ക് ഒരുമിച്ച് ജീവിക്കാൻ കഴിയും. ഇന്ത്യയെപ്പോലെ വൈവിധ്യമാർന്ന ഒരു രാജ്യത്തെ നമുക്ക് ഒരുമിച്ച് നിർത്താൻ കഴിയും . അവിടെ കിഴക്ക് ആളുകൾ ചൈനക്കാരെപ്പോലെയും പടിഞ്ഞാറ് ആളുകൾ അറബ് പോലെയും വടക്കുള്ള ആളുകൾ ആഫ്രിക്കക്കാരെ പോലെയുമാണ് കാണപ്പെടുന്നത്. പക്ഷെ ഞങ്ങൾ എല്ലാവരും സഹോദരീസഹോദരന്മാരാണ്. ”– അഭിമുഖത്തിൽ പിട്രോഡ പറഞ്ഞത് ഇങ്ങനെ.
പിട്രോഡയെ വിമർശിച്ചു ഉടനെ ബിജെപി രംഗത്ത് വന്നു. ചർമ്മത്തിൻ്റെ നിറത്തിൻ്റെ അടിസ്ഥാനത്തിൽ രാജ്യത്തെ ജനങ്ങളെ അപമാനിക്കുന്നത് വെച്ചുപൊറുപ്പിക്കില്ലെന്ന് പ്രധാനമന്ത്രി നരേന്ദ്ര മോദി പറഞ്ഞു. വാറങ്കലിൽ ഒരു റാലിയെ അഭിസംബോധന ചെയ്യവെ കോൺഗ്രസ് നേതാവ് രാഹുൽ ഗാന്ധിയോട് പ്രധാനമന്ത്രി മോദി സാം പിത്രോഡ പരാമർശത്തിൽ പ്രതികരണം ആവശ്യപ്പെട്ടു.
“സാം ഭായ്, ഞാൻ വടക്കുകിഴക്കൻ സ്വദേശിയാണ്, ഞാൻ ഒരു ഇന്ത്യക്കാരനെപ്പോലെയാണ്. ഞങ്ങൾ വൈവിധ്യമാർന്ന രാജ്യമാണ്. – നമ്മൾ വ്യത്യസ്തരായി കാണപ്പെടാം, പക്ഷേ നാമെല്ലാവരും നമ്മുടെ രാജ്യത്തെ കുറിച്ച് അൽപ്പം മനസ്സിലാക്കുക!– ആസാം മുഖ്യമന്ത്രി ഹിമന്ത ബിശ്വ ശർമ്മ എക്‌സിൽ എഴുതി. തിരുവനന്തപുരത്തെ ബിജെപി സ്ഥാനാർത്ഥിയും കേന്ദ്രമന്ത്രിയുമായ രാജീവ് ചന്ദ്രശേഖർ സാം പിത്രോഡയുടെ പരാമർശം നാണംകെട്ടതാണെന്ന് വിശേഷിപ്പിച്ചു. “രാഹുൽ ഗാന്ധിയെ അദ്ദേഹത്തിൻ്റെ ഗുരുവും ഉപദേശകനുമായ സാം പിട്രോഡ ഇങ്ങനെയാണ് ഇന്ത്യയെ വിഭജിക്കാനും കാണാനും പഠിപ്പിച്ചത്.” — അദ്ദേഹം കൂട്ടിച്ചേർത്തു. രാഹുൽ ഗാന്ധിയുടെ ഗുരുവായ ഒരാളുടെ വംശീയ പരാമർശങ്ങളാണിതെന്ന് ആരോപിച്ച് ബിജെപി വക്താവ് ഷെഹ്‌സാദ് പൂനവല്ലയും വിമർശനവുമായി രംഗത്തെത്തി. ചർച്ചിൽ ഇന്ത്യക്കാരെ കുറിച്ച് പറഞ്ഞതിൽ നിന്ന് വ്യത്യസ്തമല്ല കോൺഗ്രസ് നേതാവിൻ്റെ പ്രസ്താവനയെന്ന് ബിജെപി എംപി തേജസ്വി സൂര്യ ആരോപിച്ചു.
