വിവാഹത്തിനുള്ള അവകാശം മനുഷ്യസ്വാതന്ത്ര്യത്തിന്റെ ഭാഗമാണെന്നും വ്യക്തിപരമായ തീരുമാനങ്ങൾക്കും തിരഞ്ഞെടുപ്പുകൾക്കും സാമൂഹിക അംഗീകാരം ആവശ്യമില്ലെന്നും ഡൽഹി ഹൈക്കോടതി. ഭരണഘടനാപരമായി ഉറപ്പുനൽകുന്ന, ജീവിക്കാനുള്ള അവകാശത്തിന്റെ അവിഭാജ്യ ഘടകമാണ് വിവാഹം. പ്രായപൂർത്തിയായ രണ്ടുപേർ വിവാഹിതരാകാൻ തീരുമാനിക്കുമ്പോൾ മാതാപിതാക്കളിൽ നിന്നോ സമൂഹത്തിൽ നിന്നോ സംസ്ഥാനത്തിൽ നിന്നോ ഒരു തടസ്സവും ഉണ്ടാകില്ലെന്ന് ഹൈക്കോടതി. പറഞ്ഞു.
തങ്ങളുടെ ആഗ്രഹത്തിന് വിരുദ്ധമായി വിവാഹം കഴിച്ചതിന് ചില കുടുംബാംഗങ്ങളുടെ ഭീഷണിയുടെ പശ്ചാത്തലത്തിൽ പോലീസ് സംരക്ഷണം ആവശ്യപ്പെട്ട് ദമ്പതികൾ നൽകിയ ഹർജിയിലാണ് കോടതിയുടെ ഉത്തരവ്. ദമ്പതികൾക്ക് മതിയായ സംരക്ഷണം നൽകാൻ ബന്ധപ്പെട്ട പോലീസ് ഉദ്യോഗസ്ഥരോട് ആവശ്യപ്പെട്ട കോടതി, ഹർജിക്കാർക്ക് പരസ്പരം വിവാഹം കഴിക്കാനുള്ള അവകാശം ഉണ്ടെന്നും അവരുടെ വ്യക്തിപരമായ തീരുമാനങ്ങൾക്കും തിരഞ്ഞെടുപ്പുകൾക്കും സാമൂഹിക അംഗീകാരം ആവശ്യമില്ലെന്നും പറഞ്ഞു.
