മോദി പരാമര്ശത്തിന്റെ പേരില് കോണ്ഗ്രസ് നേതാവ് രാഹുല് ഗാന്ധിയെ ശിക്ഷിച്ച് സൂറത്ത് കോടതിയുടെ വിധി സ്റ്റേ ചെയ്യാന് വിസമ്മതിച്ച ഗുജറാത്ത് ഹൈക്കോടതി ജഡ്ജി ഇനി മധ്യവേനലവധി കഴിഞ്ഞ് കോടതി ആരംഭിച്ച ശേഷമേ കേസ് പരിഗണിക്കൂ എന്ന് വ്യക്തമാക്കി. ജസ്റ്റിസ് ഹേമന്ത് പ്രച്ഛാക് ആണ് ഇക്കാര്യം പറഞ്ഞത്. മെയ് എട്ട് മുതല് ജൂണ് നാല് വരെയാണ് കോടതി വെക്കേഷന്. മാത്രമല്ല, മെയ് നാല് മുതല് ജസ്റ്റിസ് പ്രച്ഛാക് വിദേശ യാത്രയിലുമാണ്.
രാഹുലിന് ഇടക്കാലാശ്വാസം നല്കാന് വിസമ്മതിച്ച ജഡ്ജി പറഞ്ഞത് താന് സൂറത്ത് കോടതിയിലെ വിചാരണ നടപടി സര്വ്വവും പരിശോധിച്ചേ തീരുമാനം പ്രഖ്യാപിക്കൂ എന്നായിരുന്നു. സൂറത്ത് കോടതിയുടെ വിധിയെത്തുടര്ന്നാണ് രാഹുലിന് പാര്ലമെന്റംഗത്വം നഷ്ടമായത്.
ഗുജറാത്ത് കോടതികളിലെ വിധികള്ക്കെതിരെ കോണ്ഗ്രസ് കേന്ദ്രങ്ങളില് കടുത്ത വിമര്ശനം ഉയരുന്നതിനിടയിലാണ് ഇന്ന് ഹൈക്കോടതിയും രാഹുലിന്റെ കേസ് വേനലവധി കഴിയും വരെ മാറ്റി വെക്കുകയും അടിയന്തിര പ്രാധാന്യമില്ലാത്ത ഒന്നാണെന്ന മനോഭാവത്തിലുള്ള നടപടികള് സ്വീകരിക്കുകയും ചെയ്തിരിക്കുന്നത്. ഇതും രാഷ്ട്രീയ കേന്ദ്രങ്ങളില് വലിയ ചര്ച്ചയായിട്ടുണ്ട്.