മയക്കുമരുന്ന് കേസിൽ ആര്യൻ ഖാന്റെ അറസ്റ്റ് പിതാവായ സൂപ്പർ താരം ഷാരൂഖ് ഖാനും അദ്ദേഹത്തിന്റെ പരസ്യ വരുമാനത്തിനും വലിയ തിരിച്ചടിയാവും എന്ന് നിഗമനം. ഷാരൂഖ് അവതരിപ്പിക്കുന്ന ബ്രാൻഡിന് വലിയ നഷ്ടമുണ്ടാക്കും. 2020 ലെ ബ്രാൻഡ് മൂല്യത്തിന്റെ കാര്യത്തിൽ, വിരാട് കോലി, അക്ഷയ് കുമാർ, രൺവീർ സിംഗ് എന്നിവർക്ക് ശേഷം അദ്ദേഹം നാലാം സ്ഥാനത്താണ്. 2019 ൽ അദ്ദേഹം അഞ്ചാം സ്ഥാനത്തായിരുന്നു.കിംഗ് ഖാൻ പരസ്യത്തിൽ അവതരിപ്പിക്കുന്ന ബ്രാൻഡുകളെ ട്രോളിക്കൊണ്ട് സമൂഹ മാധ്യമങ്ങളിൽ വലിയ പ്രചാരണവും ചില കേന്ദ്രങ്ങൾ തുടങ്ങിയിട്ടുണ്ട്. സ്വന്തം മകൻ മയക്കുമരുന്ന് കേസിൽ കുടുങ്ങിക്കിടക്കുമ്പോൾ ഇനി മറ്റുള്ളവരുടെ കുട്ടികളെ എങ്ങനെ പ്രചോദിപ്പിക്കുമെന്ന് ഷാരൂഖിനോട് സമൂഹ മാധ്യമങ്ങളിൽ ചോദ്യം ഉയരുന്നു.
ലോകത്തിലെ മൂന്നാമത്തെ ഏറ്റവും ധനികനായ നടനാണ്
നിലവിൽ ഷാരൂഖ് ഖാന്റെ ബ്രാൻഡ് മൂല്യം ഏകദേശം 378 കോടി രൂപയാണ്. മയക്കുമരുന്ന് കേസിൽ ആര്യൻ കുടുങ്ങുന്നത് അദ്ദേഹത്തിന് നഷ്ടം വരുത്തിയെന്ന് വിപണി വിദഗ്ധർ പറയുന്നു. ചില വിദ്യാഭ്യാസ സ്റ്റാർട്ടപ്പുകൾ ഉൾപ്പെടെ മൊത്തം 40 ബ്രാൻഡുകളുമായി ഷാരൂഖ് സഹകരിക്കുന്നുണ്ട്.
ഷാരൂഖിന്റെ ആസ്തി 5116 കോടി രൂപയാണ്. ജെറി സാൻഫീൽഡിനും ടൈലർ പെറിയ്ക്കും ശേഷം ലോകത്തിലെ മൂന്നാമത്തെ ഏറ്റവും ധനികനായ നടനാണ് അദ്ദേഹം. 29.65 ബില്യൺ രൂപയുമായി അമിതാഭ് ബച്ചൻ ലോകത്തിലെ എട്ടാമത്തെ ധനികനായി കണക്കാക്കപ്പെടുന്നു.
