ലോകത്ത്‌ ഇനിയും ഒരു ശീതസമരത്തിന്‌ അമേരിക്ക ഇല്ലെന്ന്‌ പ്രസിഡണ്ട്‌ ജോ ബൈഡന്‍ പ്രസ്‌താവിച്ചു. ഐക്യരാഷ്ട്ര സംഘടനയുടെ ജനറല്‍ അംസബ്ലിയെ അഭിസംബോധന ചെയ്യുകയായിരുന്നു അദ്ദേഹം. ചൈനയുമായി വളരുന്ന സംഘര്‍ഷത്തിന്റെ പശ്ചാത്തലത്തില്‍ ബൈഡന്റെ പ്രസ്‌താവന ശ്രദ്ധേയമായി. ചൈനയെ പേരെടുത്ത്‌ സൂചിപ്പിച്ചില്ലെങ്കിലും ശീതസമരം ആ രാജ്യത്തെ മനസ്സില്‍ കണ്ടുകൊണ്ട്‌ പറഞ്ഞതാണെന്ന്‌ എല്ലാവര്‍ക്കും വ്യക്തമായി.
ഏത്‌ രാജ്യവുമായും സമാധാനപരമായ പരിഹാരത്തിന്‌ യു.എസ്‌. തയ്യാറാണ്‌. കാരണം നമ്മള്‍ ഒരു പാട്‌ സഹിച്ചുകഴിഞ്ഞിരിക്കുന്നു, വിശിഷ്യ പരാജയപ്പെടുമ്പോള്‍.-ബൈഡന്‍ പറഞ്ഞു. അഫ്‌ഗാനിസ്ഥാനിലെ പോരാട്ടത്തെ കുറിച്ച്‌ ബൈഡന്‍ സൂചിപ്പിച്ചു. 20 വര്‍ഷത്തെ സംഘര്‍ഷം നമ്മള്‍ അവസാനിപ്പിച്ചു. നിരന്തരമായ സംഘര്‍ഷം എന്നതു മാറ്റി നിരന്തരമായ നയതന്ത്രം എന്നതിലേക്ക്‌ നമ്മള്‍ മാറുകയാണ്‌–ബൈഡന്‍ പ്രഖ്യാപിച്ചു.

Related Articles:

സൊമാറ്റോയിലൂടെ ഭക്ഷണം ഓർഡർ ചെയ്താൽ ഇനി കൂടുതൽ പൊള്ളും

ബി.ജെ.പി ഭരണത്തിൽ മാധ്യമസ്വാതന്ത്ര്യം ഇല്ലാതായി, ഭരണത്തിന് സ്തുതി…