പശ്ചിമ ബംഗാളിലെ പോലീസ് ഡയറക്ടർ ജനറലായ രാജീവ് കുമാറിനെയും ഗുജറാത്ത്, ഉത്തർപ്രദേശ്, ബീഹാർ, ജാർഖണ്ഡ്, ഹിമാചൽ പ്രദേശ്, ഉത്തരാഖണ്ഡ് എന്നീ ആറ് സംസ്ഥാനങ്ങളിലെ ആഭ്യന്തര സെക്രട്ടറിമാരെയും ഉൾപ്പെടെ നിരവധി സംസ്ഥാനങ്ങളിലെ ഉന്നത ഉദ്യോഗസ്ഥരെ നീക്കം ചെയ്യാൻ കേന്ദ്ര തിരഞ്ഞെടുപ്പ് കമ്മീഷൻ ഉത്തരവിട്ടു. മിസോറാമിലെയും ഹിമാചൽ പ്രദേശിലെയും ജനറൽ അഡ്മിനിസ്ട്രേറ്റീവ് ഡിപ്പാർട്ട്മെൻ്റ് സെക്രട്ടറിമാരെയും മാറ്റി. പുതുതായി നിയമിതരായ തിരഞ്ഞെടുപ്പ് കമ്മീഷണർമാരായ ഗ്യാനേഷ് കുമാറും സുഖ്ബീർ സിംഗ് സന്ധുവും തിങ്കളാഴ്ച ഇസിയുമായി കൂടിക്കാഴ്ച നടത്തിയതിന് ശേഷമാണ് തീരുമാനം പ്രഖ്യാപിച്ചത്.
മുഖ്യമന്ത്രി മമത ബാനർജിയുടെ അടുത്തയാളെന്ന് കരുതപ്പെടുന്ന വ്യക്തിയാണ് രാജീവ് കുമാർ. ഇക്കഴിഞ്ഞ ഡിസംബറിലാണ് ഇദ്ദേഹത്തെ സംസ്ഥാന ഡിജിപിയായി നിയമിച്ചത്.
ബിജെപി സര്ക്കാരിന്റെ ആഗ്രഹങ്ങളുടെ പ്രതിഫലനമാണ് ഇലക്ഷന് കമ്മീഷന്റെ തീരുമാനത്തില് പ്രതിഫലിക്കുന്നതെന്ന് വിമര്ശിച്ച് തൃണമൂല് കോണ്ഗ്രസ് രംഗത്തു വന്നിട്ടുണ്ട്.
നീക്കം ചെയ്തവരിൽ മിസോറാമിലെയും ഹിമാചൽ പ്രദേശിലെയും ജനറൽ അഡ്മിനിസ്ട്രേറ്റീവ് വകുപ്പുകളുടെ സെക്രട്ടറിമാരും ഉൾപ്പെടുന്നു. അഡീഷണൽ കമ്മീഷണർമാർക്കും ഡെപ്യൂട്ടി കമ്മീഷണർമാർക്കുമൊപ്പം ബ്രിഹൻമുംബൈ മുനിസിപ്പൽ കമ്മീഷണർ ഇഖ്ബാൽ സിംഗ് ചാഹലിനെയും നീക്കം ചെയ്യാൻ ഉത്തരവിട്ടിട്ടുണ്ട്.
പശ്ചിമ ബംഗാളിൻ്റെ പുതിയ ഡിജിപിയെ തിരഞ്ഞെടുക്കാൻ മൂന്ന് ഉദ്യോഗസ്ഥരുടെ പേരുകൾ വൈകുന്നേരം അഞ്ച് മണിക്കകം നൽകണമെന്ന് തിരഞ്ഞെടുപ്പ് കമ്മീഷൻ ആവശ്യപ്പെട്ടു.