ശരദ് പവാർ വിഭാഗത്തിൻ്റെ എൻസിപിക്ക് തിരഞ്ഞെടുപ്പ് കമ്മീഷൻ പുതിയ പേര് നൽകി. എൻസിപി ശരദ് ചന്ദ്ര പവാർ എന്നായിരിക്കും ഇനി പാർട്ടി അറിയപ്പെടുക. എന്നാൽ പാർട്ടിയുടെ തിരഞ്ഞെടുപ്പ് ചിഹ്നം സംബന്ധിച്ച് ഇതുവരെ തീരുമാനമായിട്ടില്ല.
ഇന്ന് ശരദ് പവാർ വിഭാഗം പാർട്ടിക്കായി മൂന്ന് പേരുകൾ തിരഞ്ഞെടുപ്പ് കമ്മീഷന് അയച്ചിരുന്നു. നാഷണലിസ്റ്റ് കോൺഗ്രസ് പാർട്ടി (എസ്), നാഷണലിസ്റ്റ് കോൺഗ്രസ് പാർട്ടി (ശരദ് പവാർ), നാഷണലിസ്റ്റ് കോൺഗ്രസ് പാർട്ടി ശരദ് ചന്ദ്ര പവാർ എന്നിവ ആയിരുന്നു അവ. പേരുകൾ നൽകിയില്ലെങ്കിൽ തിരഞ്ഞെടുപ്പിൽ സ്വതന്ത്ര സ്ഥാനാർത്ഥിയായി മത്സരിക്കേണ്ടി വരുമെന്ന് കമ്മീഷൻ വ്യക്തമാക്കിയിരുന്നു.
ഫെബ്രുവരി ആറിന് മഹാരാഷ്ട്ര സർക്കാരിലെ അജിത് പവാർ വിഭാഗത്തെ യഥാർത്ഥ എൻസിപിയായി തിരഞ്ഞെടുപ്പ് കമ്മീഷൻ പ്രഖ്യാപിച്ചിരുന്നു. 6 മാസം നീണ്ട 10 ഹിയറിംഗുകൾക്ക് ശേഷം പാർട്ടിയുടെ പേരും തിരഞ്ഞെടുപ്പ് ചിഹ്നവും ഘാഡി അജിത് വിഭാഗത്തിന് നൽകി.
നേരത്തെ മൂന്ന് പേരുകളും ചിഹ്നങ്ങളും ശരദ് പവാർ പക്ഷം സമർപ്പിച്ചിരുന്നു– ‘ചായക്കപ്പ്’, ‘സൂര്യകാന്തി’. ‘ഉദയസൂര്യന്‍’. നേരത്തെ അജിത് പവാറിന്റെ നേതൃത്വത്തിലുള്ള സംഘത്തിന് എന്‍സിപി ചിഹ്നമായ ‘ക്ലോക്ക്’ കമ്മിഷന്‍ അനുവദിച്ചിട്ടുണ്ട്.
അജിത് പവാര്‍ വിഭാഗത്തിന് അനുകൂലമായ വിധിയെ ജനാധിപത്യത്തിന്റെ കൊലപാതകം എന്നാണ് ശരദ് പവാറിന്റെ ക്യാമ്പ് വിശേഷിപ്പിച്ചത്. ‘ഇത് സംഭവിക്കാന്‍ പോകുകയായിരുന്നുവെന്ന് ഞങ്ങള്‍ക്ക് നേരത്തെ അറിയാമായിരുന്നു. ഇന്ന് അജിത് പവാര്‍ ശരദ് പവാറിനെ രാഷ്ട്രീയമായി ശ്വാസം മുട്ടിച്ചു. അജിത് പവാര്‍ മാത്രമാണ് ഇതിന് പിന്നില്‍. ഇതില്‍ നാണം കെടേണ്ടത് തിരഞ്ഞെടുപ്പ് കമ്മീഷനാണ്. ശരദ് പവാര്‍ ഒരു ഫീനിക്‌സ് പക്ഷിയാണ്. ചാരത്തില്‍ നിന്ന് അദ്ദേഹം വീണ്ടും ഉയിര്‍ത്തെഴുന്നേല്‍ക്കും. ശരദ് പവാര്‍ ഉള്ളതിനാല്‍ ഞങ്ങള്‍ക്ക് ഇപ്പോഴും അധികാരമുണ്ട്. ഞങ്ങള്‍ സുപ്രീം കോടതിയില്‍ പോകും,’ ശരദ് പവാറിന്റെ ക്യാമ്പ് നേതാവ് ജിതേന്ദ്ര ഔഹാദ് പറഞ്ഞു.
