ആൻഡ്രോയിഡ്, ഐഒഎസ് ആപ്ലിക്കേഷനുകളിലെ പ്രൊഫൈൽ പേജിൽ നിന്ന് നേരിട്ട് മറ്റൊരു അക്കൗണ്ടിലേക്ക് നേരിട്ട് സന്ദേശം അയക്കാനുള്ള ഓപ്ഷൻ മൈക്രോ ബ്ലോഗിംഗ് പ്ലാറ്റ്ഫോമായ ട്വിറ്റർ നീക്കം ചെയ്തതായി റിപ്പോർട്ട്. ഫോളോ, നോട്ടിഫിക്കേഷൻ ബട്ടണുകൾക്ക് അടുത്തായി സാധാരണയായി ദൃശ്യമാകുന്ന “DM” ബട്ടൺ അപ്രത്യക്ഷമായതായി നിരവധി ഉപയോക്താക്കൾ റിപ്പോർട്ട് ചെയ്തു.
അതേസമയം, മെസേജ് ടാബിൽ ആവശ്യമുള്ള അക്കൗണ്ട് നോക്കി ഉപയോക്താക്കൾക്ക് നേരിട്ട് സന്ദേശം അയക്കാൻ കഴിയുമെന്നും പറയുന്നു. പരസ്യങ്ങളില്ലാത്ത മൈക്രോബ്ലോഗിംഗ് പ്ലാറ്റ്‌ഫോമിലേക്കുള്ള ഉയർന്ന വിലയുള്ള സബ്‌സ്‌ക്രിപ്‌ഷൻ വരും ആഴ്ചകളിൽ ലഭ്യമാകുമെന്ന് ട്വിറ്റർ മേധാവി എലോൺ മസ്‌ക് കഴിഞ്ഞ ആഴ്ച പ്രഖ്യാപിച്ചിരുന്നു.
