സാമ്പത്തിക ആരോപണത്തിൽ ഇ.പി ജയരാജനെതിരെ തൽക്കാലം അന്വേഷണം വേണ്ടെന്ന് സിപിഎം സംസ്ഥാന സെക്രട്ടറിയേറ്റ്. അന്വേഷണം വേണോയെന്ന് പിന്നീട് തീരുമാനിക്കാമെന്നാണ് ധാരണ. ഇ.പി. ജയരാജൻ യോഗത്തിൽ പങ്കെടുത്ത് അദ്ദേഹത്തിന് പറയാനുള്ള കാര്യം വിശദീകരിച്ചു. റിസോർട്ടുമായി ബന്ധപ്പെട്ട് ഭാര്യയ്‌ക്കും മകനുമുള്ള ഷെയറിനെക്കുറിച്ചും യോഗത്തിൽ ജയരാജൻ വിശദീകരിച്ചതായാണ് വിവരം. തനിക്ക്‌ റിസോര്‍ട്ടില്‍ യാതൊരു ഷെയറോ സാമ്പത്തിക ഇടപാടുകളോ ഇല്ലെന്ന്‌ ഇ.പി. ജയരാജന്‍ വിശദീകരിച്ചു. എന്നാല്‍ ഭാര്യയ്‌ക്കും മകനും ഷെയര്‍ ഉണ്ട്‌. തന്റെ സ്വാധീനത്തിലല്ല റിസോര്‍ട്ട്‌ നിലനില്‍ക്കുന്നതും പ്രവര്‍ത്തിക്കുന്നതും എന്നും ജയരാജന്‍ യോഗത്തില്‍ വ്യക്തമാക്കി. സെക്രട്ടേറിയറ്റ് യോഗത്തിന് ശേഷം പുറത്തു വന്ന ജയരാജന്റെ പ്രതികരണം തേടിയ മാധ്യമങ്ങളോട് എല്ലാവർക്കും ‘ഹാപ്പി ന്യൂ ഇയർ’ എന്ന് മാത്രമായിരുന്നു മറുപടി.

Related Articles:

ശോഭാ സുരേന്ദ്രന്‍ പറഞ്ഞ ആ സിപിഎം നേതാവ് ഇ.പി.ജയരാജനാണോ…ചര്‍ച്ചകള്‍,…

ഏറ്റുമുട്ടലിൽ കൊല്ലപ്പെട്ട നക്‌സലുകളെ കോൺഗ്രസ് വക്താവ് "രക്തസാക്ഷികൾ"…