തൃക്കാക്കര മണ്ഡലത്തിൽ ചരിത്ര ഭൂരിപക്ഷവുമായി ഉമാ തോമസ് വിജയിച്ചു.കാൽ ലക്ഷം വോട്ടിന്ൻറെ ലീഡിനാണ് ഉമാ തോമസ് വിജയിച്ചത്. മണ്ഡലത്തിലെ ഏറ്റവും ഉയർന്ന ഭൂരിപക്ഷമായിരുന്ന ബെന്നി ബെഹനാന്റെ ഭൂരിപക്ഷവും ഉമാ തോമസ് മറി കടന്നു.
2011 ൽ ബെന്നി ബെഹനാൻ നേടിയ 22406 വോട്ടിന്റെതായിരുന്നു മണ്ഡലത്തിലെ ഏറ്റവും വലിയ ഭൂരിപക്ഷം. ഇതും മറികടന്ന് 25,016 വോട്ടുകളുടെ ലീഡിനാണ് ഉമാ തോമസ് വിജയിച്ചത്.
ഉമാ തോമസ് 72,767 വോട്ടുകളാണ് ആകെ നേടിയത്.ജോ ജോസഫ് 47,752 വോട്ടുകളും എ എൻ രാധാകൃഷ്ണൻ 12,955 വോട്ടുകളും നേടി.
2021 തിരഞ്ഞെടുപ്പിൽ പിടി തോമസിന് 59,839 വോട്ടുകളാണ് ആകെ ലഭിച്ചത്.ഇടതു പക്ഷത്തിന് 45,510 വോട്ടുകളും എൻഡിഎയ്ക്ക് 15,483 വോട്ടുകളും ലഭിച്ചു.
