“ഇവിടെ നല്ല തണുപ്പ്. അവിടെയോ “
“ഏത് dress ആണ് ഇട്ടേക്കുന്നെ?തണുപ്പ് മാറ്റാൻ എന്താ ചെയ്യുക? “
“നിനക്ക് feelings വരുമ്പോൾ എന്താ ചെയ്യുക? “
“ഞാൻ ഇത്രയും നിന്നെ പുകഴ്ത്തിയിട്ട് നീ പൊങ്ങിയോ? പക്ഷെ എനിക്ക് പൊങ്ങി “
“നിന്നെ കണ്ട് എന്റെ പലതും ഉണർന്നു “
‘ഗന്ധർവനായ ഞാൻ തരുണീ മണികൾ ഉറങ്ങുന്ന hostelil പറന്നുവന്നു ചെഞ്ചൊടിയിൽ മുത്തം തരട്ടെ ! നിന്റെ ആസനത്തിൽ കരതലം അമർത്തട്ടെ !!”
കേരളത്തിലെ മെഡിക്കല്‍ കോളേജുകളില്‍ ഇപ്പോഴും ഭയാനകമായി തുടരുന്ന റാഗിങ് എന്ന ക്രമിനില്‍ ആഭാസത്തിന്റെ മുഖം പുറത്തറിയിച്ച് തൃശ്ശൂര്‍ മെഡിക്കല്‍ കോളേജിലെ വിദ്യാര്‍ത്ഥി ഫാത്തിമ എസ്. സാമൂഹ്യമാധ്യമത്തിലെഴുതിയ വിശദമായ കുറിപ്പിന്റെ തുടക്കമാണിത്. ആരെയും ഭയപ്പെടുത്തുന്ന മാനസിക-ശാരീരിക പീഢനത്തെക്കുറിച്ച് ഈ കുട്ടി തുറന്നെഴുതുകയാണ്.
കൊല്ലം അഞ്ചല്‍ സ്വദേശിയായ ഫാത്തിമ നേരിട്ട അനുഭവങ്ങളാണ് പച്ചയായി എഴുതിയിരിക്കുന്നത്. ജൂനിയര്‍ വിദ്യാര്‍ഥികളെ ലൈംഗികമായി അപമാനിക്കുക, മാനസികമായി പാതി രാത്രി കഴിഞ്ഞു പോലും ഉപദ്രവിക്കുക, കാമ്പസില്‍ നിരന്തരം പിന്തുടരുകയും ഭീഷണിപ്പെടുത്തുകയും പലതരം ജോലികള്‍ നിര്‍ബന്ധിച്ച് ചെയ്യിക്കുകയും ചെയ്യുക….സീനിയര്‍ എന്ന പേരില്‍ ഒരു കൂട്ടര്‍ പുതിയതായി വരുന്ന കുട്ടികളോട് കാണിക്കുന്ന ക്രൂരതകളുടെ കഥയാണ് ഫാത്തിമ പറയുന്നത്.
റാഗിങിനെതിരെ ചെറുത്തു നില്‍ക്കാന്‍ ധൈര്യപൂര്‍വ്വം തയ്യാറാകണമെന്ന് ഫാത്തിമ എല്ലാ ജൂനിയര്‍ വിദ്യാര്‍ഥികളോടും ഈ കുറിപ്പില്‍ ആവശ്യപ്പെടുന്നുണ്ട്. എസ്.എഫ്.ഐ.-യില്‍ ചേര്‍ന്ന് പ്രവര്‍ത്തിച്ചപ്പോള്‍ അതിന്റെ പേരിലും ഭീഷണി ഉണ്ടായതായി ഫാത്തിമ പറയുന്നു. വിദ്യാര്‍ഥി സംഘടന നല്‍കുന്ന ഒരു കവചം തങ്ങളുടെ റാഗിങിന് തടസ്സമായേക്കും എന്ന ചിന്തയിലാവാം ഇത്.
സീനിയര്‍ വിദ്യാര്‍ഥികളുടെ സഹായം കിട്ടണം എന്നു ചിന്തിച്ച് അവരുടെ റാഗിങിന് നിന്നു കൊടുക്കരുത്. ഒപ്പം താന്‍ റാഗിങിന് ഇരയായി എന്നതു കൊണ്ടു മാത്രം താനത് പിന്നീട് വരുന്ന കുട്ടികളുടെ മേല്‍ പ്രയോഗിക്കും എന്ന മാനസികാവസ്ഥയും മാറ്റണം. താന്‍ ആരെയും റാഗ് ചെയ്യില്ല എന്ന് ഓരോരുത്തരും തീരുമാനിക്കണം–ഫാത്തിമ ആവശ്യപ്പെടുന്നു.
ഫാത്തിമയുടെ ഫേസ്ബുക്ക് കുറിപ്പിന്റെ പൂര്‍ണ രൂപം വായിക്കാം:
“ഇവിടെ നല്ല തണുപ്പ്. അവിടെയോ “
“ഏത് dress ആണ് ഇട്ടേക്കുന്നെ?തണുപ്പ് മാറ്റാൻ എന്താ ചെയ്യുക? “
“നിനക്ക് feelings വരുമ്പോൾ എന്താ ചെയ്യുക? “
“ഞാൻ ഇത്രയും നിന്നെ പുകഴ്ത്തിയിട്ട് നീ പൊങ്ങിയോ? പക്ഷെ എനിക്ക് പൊങ്ങി “
“നിന്നെ കണ്ട് എന്റെ പലതും ഉണർന്നു “
‘ഗന്ധർവനായ ഞാൻ തരുണീ മണികൾ ഉറങ്ങുന്ന hostelil പറന്നുവന്നു ചെഞ്ചൊടിയിൽ മുത്തം തരട്ടെ ! നിന്റെ ആസനത്തിൽ കരതലം അമർത്തട്ടെ !!”
മുകളിൽ പറഞ്ഞ കാര്യങ്ങളൊന്നും ഒരു sex chat ലെയോ sex call ലെയോ porn video ലെയോ ഡയലോഗ് അല്ല. മറിച്ചു first year mbbs നു join ചെയ്ത ശേഷം the so called ragging period ൽ എന്റെ ഫോണിലേക്ക് രാത്രി 10 മണിക്ക് ശേഷം വന്നിരുന്ന batchmates ആയിട്ടുള്ള ആൺകുട്ടികളുടെ സംഭാഷണങ്ങൾ ആണ്.ഇതു കേട്ടു ഫോൺ വലിച്ചെറിഞ്ഞു, മനസ്സ് മരവിച്ചു ഇരുന്നിട്ടുണ്ട്. ഫോൺ കാൾ എടുത്തില്ലെങ്കിൽ പിന്നെ roommates അല്ലേൽ അടുത്ത റൂമുകളിലെ കുട്ടികളെ വിളിച്ചു ഫോൺ എടുക്കാൻ പറയിക്കും. ഉറങ്ങിയതാണേൽ വിളിച്ചുണർത്തും. സഹിക്കണം. കാരണം “seniors ആണ്. വെറുപ്പിക്കരുത്. clinics ൽ സഹായിക്കാൻ അവരല്ലേ ഉള്ളു. “
മേല്പറഞ്ഞ ഡയലോഗ് ഒന്ന് കൊണ്ട് മാത്രം പേടിപ്പിച്ചു പീഡിപ്പിക്കുന്ന psycho കൾ ആണോ seniors? എന്നെ സംബന്ധിച്ചിടത്തോളം ആണ്. ഇതിൽ ആസനത്തിൽ കരതലം അമർത്താൻ ചോദിച്ചവനോട് ആര് പറഞ്ഞിട്ടാണ് എന്ന് ചോദിച്ചപ്പോൾ 2016 ബാച്ചിലെ ഒരു പ്രമുഖന്റെ പേര് പറഞ്ഞു. അയാളെ പറ്റി പിന്നീട് ഒരു stage ൽ പ്രതികരണം ചോദിച്ചപ്പോൾ മോശമായി തന്നെ പ്രതികരിച്ചു. അത് അതിലും വലിയ പ്രശ്നമായി. കോളേജ് ചരിത്രത്തിൽ ആദ്യമായി ഒരു junior, അതും first year അതും ഒരു പെണ്ണ് ഒരു senior ആണിനെതിരെ സംസാരിച്ചത് വലിയ പ്രശ്നങ്ങൾ ഉണ്ടാക്കി. ( സ്ത്രീകളെ തച്ചുതകർക്കാൻ അവരുടെ ശരീര ഭാഗങ്ങളെ പറ്റി മുനവച്ചു തളർത്തുന്ന തരത്തിൽ stage program fine arts event കളിൽ പോലും സംസാരിക്കുന്ന തരത്തിൽ misogyny ഉള്ള വ്യക്തികൾ ഉള്ള college ൽ പെണ്ണ് ശബ്‌ദിക്കുന്നത് പ്രശ്നമാണ്. )SFI അനുഭാവം കൂടെ ആയതോടെ targeted attacks. സഹികെട്ടു ഓടിപോയാലോ എന്നാലോചിച്ചു hostel building ന്റെ മുകളിൽ നിന്ന് ചാടിയാലോ എന്ന് പോലും..
Ragging കഥകൾ അവസാനിക്കുന്നില്ല. അടുത്തത് MH ലെ LMR ആരെന്ന അന്വേഷണത്തെ പറ്റിയാണ്. എന്റെ ബാച്ചിന്റെ പേർ laennec എന്നാണ്. (LMR- laennec ലെ മുല റാണി ). തന്നോട് LMR ചോദിച്ചപ്പോൾ താൻ പറഞ്ഞ ഉത്തരവും അടുത്ത 2018 ബാച്ചിൽ വരുന്നവരോട് HMR ചോദിക്കുമെന്നും അഭിമാനത്തോടെ പറഞ്ഞ സുഹൃത്ത് എനിക്കുണ്ട് ( 2018 ബാച്ചിന്റെ പേർ hunters എന്നാണ് ). ഈ ചോദ്യത്തിന് എന്തിന് ഉത്തരം നൽകി എന്ന ചോദ്യത്തിന് ” ഇല്ലേൽ തല്ലു കിട്ടും.” എന്നതാണ് ഉത്തരം. ഒരു പെണ്ണിനെ കണ്ടാൽ ആദ്യം എവിടെ നോക്കുമെന്ന് ചേട്ടന്മാർ ചോദിച്ചാൽ മുല എന്ന് തന്നെ പറയണം. Breast എന്നാണ് എങ്കിൽ small തല്ല്. നെഞ്ച് എന്നാണെങ്കിൽ medium തല്ല്. അതല്ല മുഖം എന്നാണെങ്കിൽ large തല്ല്. ഇതാണത്രേ തല്ലിന്റെ അളവ്.എല്ലാവരുടെയും മുന്നിൽ നിന്ന് masturbate ചെയ്യിക്കുന്നത് വേറെ വിനോദം. വേറെയൊരു സുഹൃത്തിന്റെ സാക്ഷ്യപ്പെടുത്തൽ ” എനിക്ക് physical abuse കിട്ടിയിട്ടുണ്ട്. പക്ഷെ അതിലും പ്രശ്നം mental harrassment ആണ്. ഞാനും juniors നോട്‌ അതെ ചെയ്യുള്ളു ” ഒരു ഉളുപ്പും ഇല്ലാതെ അവനത് പറഞ്ഞതിലാണ് എനിക്കത്ഭുതം.SFI ചേർന്ന 2018 batch ലെ കുട്ടിയെ തല്ലിയതും പാത്തു എന്നോട് മിണ്ടണ്ട അവർ കണ്ടാൽ വീണ്ടും തല്ലും എന്ന് അവൻ പറഞ്ഞതും എനിക്ക് ഇപ്പോഴും ഓർമയുണ്ട്. Record എഴുതി കൈ വേദന ഉണ്ടായ കഥ വേറെ. (സ്വന്തം record എഴുതാൻ വയ്യെങ്കിൽ നിർത്തിയിട്ടു പോണം മിസ്റ്റർ. ഇപ്പോൾ faculties answer sheet മായി ഒത്തുനോക്കുന്നത് കൊണ്ട് ആ കലാരൂപം അന്യംനിന്നു പോയി ). പറയാൻ കഥകൾ ഇനിയും ഇനിയും ബാക്കി.
ഇനി പറയാനുള്ളത് parents നോട്‌ ആണ് നിങ്ങളുടെ മക്കളെ ദയവു ചെയ്തു കോളേജിൽ seniors എന്തു പറഞ്ഞാലും ചെയ്യൂ എന്ന് പറഞ്ഞു വിടരുത്. തനിക്കു താനും പുരക്ക് തൂണും എന്ന സ്ഥിതിയാണ്. അവനവൻ പഠിച്ചാൽ അവനവനു കൊള്ളാം. ജയിക്കാം. അല്ലാതെ seniors ഊട്ടിത്തരും അതുകൊണ്ട് അവരുടെ ചെരുപ്പ് നക്കാൻ ഉപദേശിക്കരുത്. അതുകൊണ്ടാണ് faculty യുടെ മകനെ അദ്ദേഹം work ചെയ്യുന്ന ഡിപ്പാർട്മെന്റിൽ നിന്നും കഷ്ടിച്ച് 200 m മാറി ഉള്ള സ്ഥലത്ത് വച്ചു ragging ന്റെ പേരിൽ തല്ലാൻ കൈ മുതിർന്നത്. (ഒരു parent ന്റെ അടുത്ത് വച്ചു കുട്ടിയെ തല്ലാൻ എത്രത്തോളം ധൈര്യം ഉണ്ടായിട്ടാണ് ).അപ്പോൾ ബാക്കിയുള്ളവരുടെ കാര്യമോ?
Ragging നെ ശക്തമായി തന്നെ എതിർക്കുക. കഴിഞ്ഞ പോസ്റ്റ്‌ കണ്ട് ഒരു junior പറഞ്ഞു ” ചേച്ചി എനിക്ക് ragging mental trauma ഉണ്ടാക്കി. ഞാൻ ragging ചെയ്യില്ല എന്ന് തീരുമാനിച്ചു” നല്ലത്. ഇനിയുള്ളവർ അതിനെതിരെ ശക്തമായി പ്രതികരിക്കണം എന്നാണ് ആഗ്രഹം . എനിക്ക് കിട്ടിയാൽ ഞാൻ പത്തു തിരിച്ചുകൊടുക്കും എന്ന attitude മാറ്റണം. ലൈംഗിക ചുവയോട് സംസാരിച്ചവരോട് നിങ്ങളുടെ ഒരു തരത്തിലുള്ള ന്യായീകരണങ്ങളും വില പോവില്ല. നിങ്ങൾ ചെയ്യരുതായിരുന്നു. 17/18 വയസ്സ് പ്രായമുള്ള പെൺകുട്ടികളുടെ മനസ്സിലേക്ക് നിങ്ങൾ വലിയ insecurities ആണ് ഉണ്ടാക്കി വിടുന്നത്. അതിനി ഏത് ദൈവംതമ്പുരാൻ വന്നു പറഞ്ഞാലും ചെയ്യരുത്. Ragging ചെയ്യരുത്. ചെയ്താൽ എതിർക്കുകയും വേണം. ഇനിയും campus ragging അനുവദിച്ചു കൊടുക്കാൻ പറ്റില്ല.
Lets speak out….. say_no_to_ragging
Nb
- Campus നെ മോശമാക്കി എന്ന comment venda. Campus കേരളത്തിലെ തന്നെ മികച്ച academic performance ഉള്ള, നല്ല teaching ഉള്ള medical college ആണ്. വിദ്യാർത്ഥികളെ പറ്റിയാണ് പോസ്റ്റ്‌.
2.മുകളിൽ പറഞ്ഞവരാരും ഇനി ഇതൊക്കെ അംഗീകരിച്ചു തരും എന്ന് ഞാൻ വിശ്വസിക്കുന്നില്ല. അതുകൊണ്ട് അവരും ഞാൻ പറഞ്ഞില്ല എന്ന് പറഞ്ഞു വരണ്ട.
3.ഇതിന്റെ പേരിൽ personal harassment ഉണ്ടായാൽ id സഹിതം പോസ്റ്റ്‌ ഇടും + complaint ഉം ചെയ്യും.
