ഒരു മാസം മുൻപ് കോൺഗ്രസ് വിട്ട ജമ്മു കശ്മീർ മുൻ മുഖ്യമന്ത്രി ഗുലാം നബി ആസാദ് തന്റെ പുതിയ രാഷ്ട്രീയ സംഘടനയ്ക്ക് ‘ഡെമോക്രാറ്റിക് ആസാദ് പാർട്ടി’ എന്ന് പേരിടുമെന്ന് തിങ്കളാഴ്ച പ്രഖ്യാപിച്ചു. കോൺഗ്രസ് പാർട്ടിയിൽ നിന്ന് ആസാദ് രാജിവെച്ച് കൃത്യം ഒരു മാസത്തിന് ശേഷമാണ് ഈ സംഭവവികാസം. പാർട്ടി മതേതരവും ജനാധിപത്യപരവും എല്ലാ ബാഹ്യ സ്വാധീനത്തിൽ നിന്നും സ്വതന്ത്രമായിരിക്കുമെന്ന് വാർത്താസമ്മേളനത്തിൽ ആസാദ് പറഞ്ഞു.
ഡെമോക്രാറ്റിക് ആസാദ് പാർട്ടിയുടെ പതാകയും ആസാദ് അനാച്ഛാദനം ചെയ്തു. പതാകയ്ക്ക് മൂന്ന് നിറങ്ങളുണ്ട് – മഞ്ഞ , വെള്ള, നീല.
ഇന്നലെ ആസാദ് തന്റെ പ്രവർത്തകരുമായും നേതാക്കളുമായും കൂടിക്കാഴ്ച നടത്തി. നേരത്തെ, കോൺഗ്രസ് വിട്ടതിന് ശേഷം ജമ്മുവിൽ നടന്ന തന്റെ ആദ്യ പൊതുയോഗത്തിൽ സ്വന്തം രാഷ്ട്രീയ സംഘടന ആരംഭിക്കുമെന്ന് ആസാദ് പ്രഖ്യാപിച്ചിരുന്നു.