Categories
latest news

ഒമാനിൽ വാഹനാപകടം… ചങ്ങനാശ്ശേരി സ്വദേശിയടക്കം രണ്ട്​ പേർ മരിച്ചു

സുഹൈൽ ബഹ്​വാൻ കമ്പനിയിൽ ജോലി ചെയ്യുന്ന കോട്ടയം ചങ്ങനാശേരി സ്വദേശി വർഗീസി​ൻ്റെ മകൻ ആൽവിൻ (22),
മഹാരാഷ്​ട്ര സ്വദേശി ദേവാൻഷൂ (21) എന്നിവരാണ്​ മരിച്ചത്​.
രണ്ട് പേർക്ക് പരിക്കേറ്റു.

അപകടത്തിൽ പെട്ടത് സുഹൃത്തുക്കളും, മസ്ക്കറ്റ് ഇന്ത്യൻ സ്​കൂളിലെ പൂർവവിദ്യാർഥികളും.

മസ്​കത്തിൽ നിന്ന്​ 75 കിലോമീറ്റർ അകലെ സമായീലിൽ ഞായറാഴ്​ച ഉച്ചക്ക്​ ഒന്നരയോടെയായിരുന്നു അപകടം.

ഇവർ സഞ്ചരിച്ച കാർ ഡിവൈഡറിൽ ഇടിച്ച്​ റോഡരികിലെ താഴ്ച്ചലേക്ക്​ ഇറങ്ങി മറിയുകയായിരുന്നു. വാഹനത്തിൽ ഒപ്പമുണ്ടായിരുന്ന തലശേരി സ്വദേശി മുഹമ്മദ്​ സുനൂൻ, ആലപ്പുഴ സ്വദേശി ഹരികൃഷ്​ണൻ എന്നിവരെ പരിക്കുകളോടെ ആശുപത്രിയിൽ പ്രവേശിപ്പിച്ചു.

നാലുപേരും വിനോദ സഞ്ചാര കേന്ദ്രമായ ജബൽശംസിൽ പോയി മടങ്ങിവരുംവഴിയാണ്​ അപകടത്തിൽ പെട്ടത്​. ഒമാനിൽ ജോലി ചെയ്യുന്ന സുനൂൻ ആയിരുന്നു കാർ ഓടിച്ചിരുന്നത്​. മറ്റുള്ളവർ നാട്ടിൽ പഠിക്കുന്നവരാണ്​. വാഹനമോടിച്ചയാൾ ഉറങ്ങിപ്പോയതാണ്​ അപകട കാരണമെന്നാണ്​ കരുതുന്നത്​.

Spread the love
  •  
  •  
  •  
  •  
  •  
  •  
  •  
  •  
  •  
English Summary:

Leave a Reply

Your email address will not be published. Required fields are marked *

Social Connect

Editors' Pick