വിദ്യാലയങ്ങളില് ജെന്ഡര് ന്യൂട്രല് യൂണിഫോം നടപ്പാക്കാനുള്ള നിര്ദ്ദേശത്തില് നിന്നും സര്ക്കാര് പിന്മാറി. ആണ്കുട്ടികള്ക്കും പെണ്കുട്ടികള്ക്കും ഒരേതരം യൂണിഫോം അടിച്ചേല്പ്പിക്കാന് സര്ക്കാര് ഉദ്ദേശിക്കുന്നില്ലെന്ന് മുഖ്യമന്ത്രി പിണറായി വിജയന് നിയമസഭയില് പറഞ്ഞു. കെ.കെ. ശൈലജ ടീച്ചറുടെ സബ്മിഷന് മറുപടിയായാണ് മുഖ്യമന്ത്രി ഇക്കാര്യം പറഞ്ഞത്. അതത് വിദ്യാഭ്യാസ സ്ഥാപനങ്ങളില് അധ്യാപകരും പി.ടി.എ പ്രതിനിധികളും വിദ്യാര്ത്ഥി പ്രതിനിധികളും പരസ്പരം ആലോചിച്ച് ഉചിതമായ യൂണിഫോം തീരുമാനിച്ച് നടപ്പിലാക്കുകയാണ് വേണ്ടത്. ഒരുതരം വേഷവിതാനവും ആരുടെ മേലും അടിച്ചേല്പ്പിക്കുന്നത് ഈ സര്ക്കാരിന്റെ നയമല്ല. വസ്ത്രധാരണം, ആഹാരം, വിശ്വാസം എന്നിവയുടെ കാര്യത്തില് വ്യക്തികള്ക്ക് സാമൂഹ്യകടമകള്ക്ക് അനുസൃതമായുള്ള സര്വ്വസ്വാതന്ത്ര്യവും ഉണ്ടായിരിക്കുന്നതാണ്. ഒരുതരത്തിലുള്ള തീവ്ര നിലപാടുകളും മേല്പ്പറഞ്ഞവയെ ഹനിക്കാന് പാടില്ലായെന്ന് സര്ക്കാരിന് നിര്ബന്ധമുണ്ട്. ഓരോ വിദ്യാലയങ്ങളിലും അവരുടെ യൂണിഫോം വിദ്യാലയതലത്തിലാണ് തീരുമാനിക്കുക. ഇക്കാര്യത്തില് സര്ക്കാര് പ്രത്യേക നിര്ദ്ദേശം പുറപ്പെടുവിച്ചിട്ടില്ല. പുറപ്പെടുവിക്കാന് ഉദ്ദേശിക്കുന്നുമില്ല- മുഖ്യമന്ത്രി പറഞ്ഞു.
Social Media
ശൈലജട്ടീച്ചറുടെ വ്യാജവീഡിയോ വിവാദം…ഇത് ചെറുത്, രാജ്യത്തെ വലിയ “വ്യാജ വ...
April 22, 2024
10 ഉത്തരേന്ത്യൻ സംസ്ഥാനങ്ങളിൽ ഇന്ത്യമുന്നണി മുന്നിലെത്തുമെന്ന “ദൈനിക് ഭ...
April 16, 2024
Categories
kerala
ജെന്ഡര് ന്യൂട്രല് യൂണിഫോം: സർക്കാർ ഉദ്ദേശിക്കുന്നത് … അടിച്ചേൽപിക്കാൻ ഉദ്ദേശ്യമില്ലെന്ന് മുഖ്യമന്ത്രി
Social Connect
Editors' Pick
സംഗീത് ശിവൻ മുംബൈയിൽ അന്തരിച്ചു
May 08, 2024