ഗാസയിൽ നടന്നുകൊണ്ടിരിക്കുന്ന യുദ്ധത്തിനെതിരായ പ്രതിഷേധത്തിൽ ഒരു ഇന്ത്യൻ സ്വകാര്യ സർവകാല വിദ്യാർത്ഥികളും പങ്കു ചേരുന്നു. ഇസ്രായേൽ ആസ്ഥാനമായുള്ള ടെൽ അവീവ് സർവകലാശാലയുമായുള്ള എല്ലാ അക്കാദമിക, ഗവേഷണ സഹകരണങ്ങളും അവസാനിപ്പിക്കാൻ അശോക സർവ്വകലാശാലയിലെ വിദ്യാർത്ഥികൾ വൈസ് ചാൻസലറോട് അഭ്യർത്ഥിച്ചു .
മനുഷ്യാവകാശ ലംഘനങ്ങളിൽ ഏർപ്പെട്ടിരിക്കുന്ന സ്ഥാപനങ്ങളുമായി സർവ്വകലാശാലയുടെ സഹകരണം നീതിയോടും മനുഷ്യാവകാശങ്ങളോടും ഉള്ള പ്രതിബദ്ധതയെ ദുർബലപ്പെടുത്തുന്നുവെന്ന് കാമ്പസിലെ തിരഞ്ഞെടുക്കപ്പെട്ട വിദ്യാർത്ഥി സംഘടനയായ “അശോക യൂണിവേഴ്സിറ്റി വിദ്യാർത്ഥി ഗവണ്‍മെന്റ്‌” വൈസ് ചാൻസലർക്ക് അയച്ച കത്തിൽ പറഞ്ഞു.
ഹരിയാനയിലെ സോനിപത്ത് ആസ്ഥാനമായുള്ള അശോക സർവകലാശാലയ്ക്ക് ടെൽ അവീവ് സർവകലാശാലയുമായി ഗവേഷണ പങ്കാളിത്തമുണ്ടെന്ന് വിദ്യാർത്ഥികൾ പറയുന്നു.
“ഗാസയ്‌ക്കെതിരായ ഇസ്രായേൽ യുദ്ധത്തിൽ 34,596 പലസ്തീനികളുടെ ജീവൻ നഷ്ടപ്പെടുകയും 77,816 പേർക്ക് പരിക്കേൽക്കുകയും ചെയ്ത വംശഹത്യയിൽ ഞങ്ങൾ അഗാധമായ ഉത്കണ്ഠാകുലരാണ്. ഇസ്രായേൽ സർവ്വകലാശാലകൾ ബഹിഷ്‌കരിക്കാനും പ്രോഗ്രാമുകൾ കൈമാറാനും ഗാസയ്‌ക്കെതിരായ യുദ്ധത്തെക്കുറിച്ച് തുറന്ന സംവാദം നടത്താനും കൊളംബിയ സർവകലാശാലയിലെ വിദ്യാർത്ഥികൾ നടത്തിക്കൊണ്ടിരിക്കുന്ന പ്രതിഷേധത്തിൻ്റെ ആത്മാവും ഫലങ്ങളും ഞങ്ങളുടെ മുന്നിലുള്ള പ്രത്യക്ഷ ഉദാഹരണമാണ്.”
“ഇസ്രായേൽ സൈന്യവുമായുള്ള ടെൽ അവീവ് സർവകലാശാലയുടെ അടുത്ത ബന്ധവും ഫലസ്തീൻ പ്രദേശങ്ങൾ അധിനിവേശത്തിനുള്ള പിന്തുണയും ഗുരുതരമായ ധാർമ്മിക ചോദ്യങ്ങൾ ഉയർത്തുന്നു. മനുഷ്യാവകാശ ലംഘനങ്ങളിൽ ഏർപ്പെട്ടിരിക്കുന്ന സ്ഥാപനങ്ങളുമായുള്ള സർവകലാശാലയുടെ സഹകരണം നീതിയോടും മനുഷ്യാവകാശങ്ങളോടുമുള്ള ഞങ്ങളുടെ പ്രതിബദ്ധതയെ ദുർബലപ്പെടുത്തുന്നു. ”– വിദ്യാർത്ഥി സംഘടന കത്തിൽ പറഞ്ഞു.
ഇസ്രായേലി ആയുധ നിര്‍മ്മാതാക്കളായ എല്‍ബിറ്റ് സിസ്റ്റംസ് പോലുള്ള സ്ഥാപനങ്ങളുമായി ടെല്‍ അവീവ് സര്‍വ്വകലാശാലയ്ക്ക് ബന്ധമുണ്ട്. അവിടുത്തെ പ്രൊഫസര്‍മാര്‍ ഇസ്രായേല്‍ സൈന്യത്തിന്റെ പ്രവര്‍ത്തനത്തെ സഹായിക്കുന്ന ബുദ്ധിപരമായ സേവനങ്ങള്‍ നല്‍കുന്നുണ്ട്. യുദ്ധക്കുറ്റങ്ങള്‍ക്ക് പ്രതിരോധം തീര്‍ക്കാനും സൈനിക പ്രവര്‍ത്തനം ആവശ്യപ്പെടുന്ന സിദ്ധാന്തങ്ങള്‍ തയ്യാറാക്കാനും ഈ സര്‍വ്വകലാശാലയിലെ അധ്യാപകര്‍ പങ്കു വഹിച്ചിട്ടുണ്ട്.- വിദ്യാര്‍ഥികള്‍ തങ്ങളുടെ കത്തില്‍ പറഞ്ഞു.
