‘ചാരവൃത്തി’ ആരോപിച്ച് വധശിക്ഷയ്ക്ക് വിധിക്കപ്പെട്ട് മാസങ്ങൾക്ക് ശേഷം ഖത്തർ കോടതി വിട്ടയച്ച എട്ട് ഇന്ത്യൻ നാവികസേനാ വെറ്ററൻമാരിൽ ഏഴ് പേർ തിങ്കളാഴ്ച രാവിലെ ന്യൂഡൽഹിയിൽ എത്തി.
ദോഹ ആസ്ഥാനമായുള്ള അൽ ദഹ്‌റ ഗ്ലോബൽ ടെക്‌നോളജീസ് എന്ന സ്വകാര്യ സ്ഥാപനത്തിൽ ജോലി ചെയ്തിരുന്ന ക്യാപ്റ്റൻ നവതേജ് ഗിൽ, സൗരഭ് വസിഷ്ത്, കമാൻഡർമാരായ പൂർണേന്ദു തിവാരി, അമിത് നാഗ്പാൽ, എസ്‌കെ ഗുപ്ത, ബികെ വർമ, സുഗുണാകർ പകല, നാവികൻ രാഗേഷ് എന്നിവരാണ് മോചിതരായി എത്തിയത്. ഇവരെ 2022 ഓഗസ്റ്റിൽ ചാരവൃത്തി കുറ്റങ്ങൾ ചുമത്തി ഖത്തർ പോലീസ് കസ്റ്റഡിയിലെടുക്കുകയായിരുന്നു.
എട്ട് പേർക്ക് ഖത്തർ അപ്പീൽ കോടതി കഴിഞ്ഞ വർഷം ഒക്ടോബറിൽ വിധിച്ച വധശിക്ഷ ഡിസംബർ 28 ന് ഇളവ് ചെയ്യുകയും മൂന്ന് വർഷം മുതൽ 25 വർഷം വരെ തടവിന് ശിക്ഷിക്കുകയും ചെയ്തിരുന്നു. ഇവരാണ് ഇപ്പോൾ മോചിതരായത് . ഖത്തറിൻ്റെ സായുധ സേനകൾക്കും സുരക്ഷാ ഏജൻസികൾക്കും പരിശീലനവും മറ്റ് സേവനങ്ങളും നല്‍കിയ സ്ഥാപനമായിരുന്നു ഇവര്‍ ജോലി ചെയ്തിരുന്ന അല്‍ ദഹ്‌റ ഗ്ലോബല്‍ ടെക്‌നോളജീസ് എന്ന് പറയുന്നു.
മാധ്യമപ്രവർത്തകരോട് സംസാരിക്കവേ പ്രധാനമന്ത്രി നരേന്ദ്ര മോദിയെ മോചിതരായവർ പ്രശംസിച്ചു. തങ്ങളുടെ മോചനം ഉറപ്പാക്കാൻ അദ്ദേഹത്തിൻ്റെ നിർദ്ദേശപ്രകാരം നിരന്തരമായ നയതന്ത്ര ശ്രമങ്ങൾ ഉണ്ടായിരുന്നെങ്കിൽ തങ്ങളെ മോചിപ്പിക്കില്ലായിരുന്നുവെന്ന് ചില സൈനികർ പറഞ്ഞു. ഏഴ് മുൻ ഇന്ത്യൻ നാവികസേനാ ഉദ്യോഗസ്ഥർ ഡൽഹി വിമാനത്താവളത്തിൽ “ഭാരത് മാതാ കീ ജയ്” വിളികൾ മുഴക്കിയതായി വാർത്താ ഏജൻസി റിപ്പോർട്ട് ചെയ്തു.
“ഒടുവിൽ സുരക്ഷിതമായും സുഖമായും വീട്ടിലേക്ക് മടങ്ങിയതിൽ എനിക്ക് ആശ്വാസവും സന്തോഷവും തോന്നുന്നു. ഞങ്ങളുടെ മോചനം ഉറപ്പാക്കാൻ പ്രധാനമന്ത്രി മോദിയുടെ വ്യക്തിപരമായ ഇടപെടൽ ഇല്ലായിരുന്നുവെങ്കിൽ ഇത് സാധ്യമാകുമായിരുന്നില്ല എന്നതിനാൽ ഞാൻ അദ്ദേഹത്തോട് നന്ദി പറയാൻ ആഗ്രഹിക്കുന്നു. ഖത്തർ അമീർ ഷെയ്ഖ് തമീം ബിൻ ഹമദ് അൽതാനിക്കും നന്ദി അറിയിക്കാൻ ഞാൻ ആഗ്രഹിക്കുന്നു.”– അദ്ദേഹം പറഞ്ഞു.
“ഇന്ത്യയിലെ ഞങ്ങളുടെ പ്രിയപ്പെട്ടവരുടെ അടുക്കലേക്കു മടങ്ങാൻ ഞങ്ങൾ ഏകദേശം 18 മാസങ്ങൾ കാത്തിരുന്നു. ഞങ്ങളെ തിരികെ ലഭിച്ചതിന് പ്രധാനമന്ത്രി മോദിയോട് ഞങ്ങൾ അങ്ങേയറ്റം നന്ദിയുള്ളവരാണ്. പ്രധാനമന്ത്രി മോദിയുടെയും ഖത്തർ അമീറിൻ്റെയും സംയുക്ത പരിശ്രമമില്ലാതെ ഈ ദിവസം ഉണ്ടാകുമായിരുന്നില്ല. രണ്ട് നേതാക്കളും പങ്കിടുന്ന വ്യക്തിഗതമായ ചേർച്ചകളും ഞങ്ങളുടെ മോചനത്തിന് സഹായിച്ചു”–മറ്റൊരു നാവികസേനാ ഉദ്യോഗസ്ഥൻ പറഞ്ഞു.
