നവകേരള സദസിനുള്ള പ്രത്യേക ബസിന് നേരെ യൂത്ത് കോൺഗ്രസ് പ്രവർത്തകരുടെ കരിങ്കൊടി. മുഖ്യമന്ത്രി പിണറായി വിജയന് നേരെയായിരുന്നു കരിങ്കൊടി പ്രതിഷേധം. കല്യാശേരി നിയോജക മണ്ഡലത്തിലെ പഴയങ്ങാടി പൊലീസ് സ്റ്റേഷന് സമീപമാണ് യൂത്ത് കോൺഗ്രസ് പ്രവർത്തകർ ബസിന് നേരെ കരിങ്കൊടി കാണിച്ചത്. തുടർന്ന് അവിടെ ഉണ്ടായിരുന്ന സി.പി.എം പ്രവർത്തകർ യൂത്ത് കോൺഗ്രസ് പ്രവർത്തകരെ മർദ്ദിച്ചു.
കല്യാശ്ശേരി മണ്ഡലത്തിലെ നവകേരള സദസ്സ് ഇന്ന് ഉച്ചയ്ക്കു ശേഷം മാടായിപ്പാറയിലായിരുന്നു. അവിടെ നിന്നും അടുത്ത സദസ്സ് നടക്കുന്ന തളിപ്പറമ്പിലേക്ക് മടങ്ങും വഴിയായിരുന്നു പ്രതിഷേധം അരങ്ങേറിയത്.
മര്ദ്ദനത്തില് യൂത്ത് കോണ്ഗ്രസ് ജില്ലാ വൈസ് പ്രസിഡന്റ് മഹിത മോഹന് ഉള്പ്പെടെ ഏഴ് യൂത്ത് കോണ്ഗ്രസ് പ്രവര്ത്തകര്ക്ക് പരിക്കേറ്റു.
പ്രതിഷേധക്കാരെ ഹെൽമെറ്റ് ഉപയോഗിച്ച് തലയ്ക്കടിക്കുന്നതും നിലത്തിട്ടും ചവിട്ടുന്നതും വീഡിയോയിൽ കാണാം. പരിക്കേറ്റവരെ തളിപ്പറമ്പിലെ ആശുപത്രിയിൽ പ്രവേശിപ്പിച്ചു.സംഘർഷം നിയന്ത്രിക്കാനെത്തിയ പൊലീസിന് നേരെയും സി..പി.എം പ്രവർത്തകർ തട്ടിക്കയറി. സുരക്ഷാ വീഴ്ച ആരോപിച്ചായിരുന്നു പൊലീസിന് നേരെയുള്ള പ്രതിഷേധം.