ഇന്ത്യയുടെ മുൻ ഹോക്കി താരവും ഒളിമ്പിക് മെഡൽ ജേതാവുമായ വരീന്ദർ സിങ് അന്തരിച്ചു. 75 വയസ്സായിരുന്നു. ചൊവ്വാഴ്ച ജലന്ധറിലായിരുന്നു അന്ത്യം.
1970-കളിലെ ശക്തരായ ഇന്ത്യൻ ഹോക്കി ടീമിലെ പ്രധാനിയായിരുന്ന വരീന്ദർ. 1972 മ്യൂണിക്ക് ഒളിമ്പിക്സിൽ വെങ്കല മെഡൽ നേടിയ ടീമംഗമായിരുന്നു.1975-ൽ ക്വലാലംപുർ ലോകകപ്പിൽ സ്വർണ മെഡൽ നേടിയ ടീമിലും വരീന്ദർ അംഗമായിരുന്നു. ഹോക്കി ലോകകപ്പിലെ ഇന്ത്യയുടെ ഏക സ്വർണ നേട്ടവും ഇതാണ്.
1974, 1978 ഏഷ്യൻ ഗെയിംസുകളിൽ ഇന്ത്യൻ ടീമിനൊപ്പം വെള്ളി മെഡലുകളും അദ്ദേഹം നേടി. 1975-ലെ മോണ്ട്റിയാൽ ഒളിമ്പിക്സിലും രാജ്യത്തെ പ്രതിനിധീകരിച്ച് പങ്കെടുത്തു.
വരീന്ദർ സിങ്ങിന്റെ നിര്യാണത്തിൽ ഹോക്കി ഇന്ത്യ അനുശോചനം രേഖപ്പെടുത്തി.
