കോവിഡ് മൂലം രാജ്യത്ത് ഒന്നര ലക്ഷത്തോളം കുട്ടികൾക്ക് മാതാപിതാക്കളെ നഷ്ടപ്പെട്ടതായി ദേശീയ ബാലാവകാശ കമ്മീഷൻ

കോവിഡ് മൂലം രാജ്യത്ത് ഒരു ലക്ഷത്തി 47,492 കുട്ടികൾക്ക് സ്വന്തം അച്ഛനമ്മമാരെയോ ഇരുവരില്‍ ഒരാളെയോ നഷ്ടപ്പെട്ടതായി ദേശീയ ബാലാവകാശ സംരക്ഷണ കമ്മീഷൻ സുപ്രീം കോടതിയെ അറിയിച്ചു. ഇതിൽ 76,508 ആൺകുട്ടികളും 70,980 പെൺകുട്ടികളും 4 ട്രാൻസ്‌ജെൻഡർ കുട്ടികളും ഉൾപ്പെടുന്നു. ജനുവരി 11 വരെയുള്ള കണക്കുകൾ പ്രകാരം 2020 ഏപ്രിൽ മുതൽ രാജ്യത്ത് 10,094 കുട്ടികൾ അനാഥരായെന്നും ഒരു ലക്ഷത്തി 36,910 കുട്ടികൾക്ക് രക്ഷിതാവിനെ നഷ്ടപ്പെട്ടതായും 488 കുട്ടികൾ മാതാപിതാക്കളാൽ ഉപേക്ഷിക്കപ്പെട്ടതായും കമ്മീഷൻ അറിയിച്ചു.