കൊല്ലം കുണ്ടറയിൽ നൂറടിയിലേറെ താഴ്ചയുള്ള കിണറിന്റെ അടിത്തട്ടിലെ ചെളി വൃത്തിയാക്കാന് ഇറങ്ങിയ നാല് തൊഴിലാളികള് വിഷവാതകമേറ്റ് മരിച്ചു. രക്ഷാപ്രവര്ത്തനത്തിന് കിണറില് ഇറങ്ങിയ അഗ്നിരക്ഷാസേനാ ഉദ്യോഗസ്ഥനും തളര്ന്നു വീണു.
കുണ്ടറ പെരുമ്പുഴ കോവിൽമുക്കിലാണ് സംഭവം. ചിറക്കോണം സോമരാജൻ (56), ഇളമ്പള്ളൂർ രാജൻ (36), കുരിപ്പള്ളി മനോജ് (34), ചിറയടി അമ്പലത്തിന് സമീപം താമസിക്കുന്ന വാവ എന്നിവരാണ് മരിച്ചത്. 100 അടി താഴ്ചയുള്ള കിണറിലെ ചെളി നീക്കം ചെയ്യാൻ ആദ്യം രണ്ടുപേരാണ് കിണറ്റിലിറങ്ങിയത്. ഇവര്ക്ക് ശ്വാസം കിട്ടാന് ബുദ്ധിമുട്ട് ഉണ്ടായതിനെ തുടർന്നാണ് മറ്റു രണ്ടു പേരും ഇറങ്ങിയത്.
ഉടൻ തന്നെ അഗ്നിശമനസേന സ്ഥലത്തെത്തി തൊഴിലാളികളെ പുറത്തെത്തിച്ചെങ്കിലും ജീവൻ രക്ഷിക്കാനായില്ല.