ലോകം ആദരിക്കുന്ന നടന് മമ്മൂട്ടിക്കെതരെ ദിവസങ്ങളായി വ്യാപകമായ രീതിയില് സൈബര് ആക്രമണം നടന്നുകൊണ്ടിരിക്കുന്നു. സംഘപരിവാറുമായി ബന്ധമുള്ള വ്യക്തികളും കര്മ്മ ന്യൂസ് പോലുള്ള ഓണ്ല്ൈ മീഡിയകളുമാണ് ഇതിനു മുന്നിലും പിന്നിലും. വര്ഷങ്ങള്ക്കു മുമ്പ് പുറത്തിറങ്ങിയ, ബ്രാഹ്മണിക്കല്, ദളിത് രാഷ്ട്രീയങ്ങള് ചര്ച്ചയാക്കിയ പുഴു എന്ന സിനിമയുമായി ബന്ധപ്പെട്ടാണ് മമ്മൂട്ടി സൈബര് ആക്രമണത്തിന് ഇരയായത്. ഈ സിനിമയുടെ സംവിധായികയായിരുന്ന രത്തീനയുടെ മുന് ഭര്ത്താവ് ഷെര്ഷാദ് അടുത്തിടെ ഒരു ഓണ്ലൈന് മാധ്യമത്തിന് നല്കിയ അഭിമുഖമാണ് സംഘപരിവാര് വിഭാഗത്തെ പ്രകോപിപ്പിച്ചത്.
പുഴു സിനിമ ബ്രാഹ്മണ വിരുദ്ധമാണെന്നും അതിൽ മതപരമായ പ്രൊപ്പഗണ്ടയുണ്ടെന്നും പിന്നിൽ മമ്മൂട്ടിക്ക് പങ്കുണ്ടെന്നുമൊക്കെ ആരോപിച്ചാണ് സൈബർ ആക്രമണം. ഹർഷദ്, ഷർഫു, സുഹാസ് എന്നിവർ ചേർന്ന് രചന നിർവഹിച്ച് നവാഗതയായ രത്തിന സംവിധാനം ചെയ്ത് 2022-ൽ പുറത്തിറങ്ങിയ മലയാള ചലച്ചിത്രമാണ് പുഴു.
സവർണ ഹിന്ദു സമൂഹത്തെ അവഹേളിക്കാനാണ് സിനിമ ലക്ഷ്യട്ട ന്നതെന്ന് സംവിധായിക രത്തീനയുടെ ഭർത്താവ് അടുത്തിടെ ഒരു അഭിമുഖത്തിൽ പറഞ്ഞതിനെ തുടർന്നാണ് വിദ്വേഷ പ്രചാരണം ആരംഭിച്ചത്. താഴ്ന്ന ജാതിക്കാരനായ ഒരാളുമായുള്ള സഹോദരിയുടെ വിവാഹത്തെ എതിർക്കുന്ന ഉയർന്ന ജാതിക്കാരനായ ബ്രാഹ്മണൻ്റെ വേഷമാണ് ‘പുഴു’യിൽ മമ്മൂട്ടി അവതരിപ്പിച്ചത്. 400-ലധികം സിനിമകളിൽ അഭിനയിച്ച നടൻ്റെ വരാനിരിക്കുന്ന സിനിമകൾ ബഹിഷ്കരിക്കാനും ചില വലതുപക്ഷ പേജുകൾ ആഹ്വാനം ചെയ്തു.
വിവാദം മുറുകിയതോടെ മന്ത്രിമാരടക്കമുള്ള രാഷ്ട്രീയ നേതാക്കൾ താരത്തിന് പിന്തുണയുമായി രംഗത്തെത്തി. മമ്മൂട്ടി മലയാളികളുടെ അഭിമാനമാണെന്നും അദ്ദേഹം എന്നും അങ്ങനെ തന്നെയായിരിക്കുമെന്നും സംസ്ഥാന റവന്യൂ മന്ത്രി കെ രാജൻ പറഞ്ഞു. “മമ്മൂട്ടിയെ മുഹമ്മദ് കുട്ടി എന്നും സംവിധായകൻ കമലിനെ കമാലുദ്ദീൻ എന്നും വിജയ്യെ ജോസഫ് വിജയ് എന്നും വിളിക്കുന്ന സംഘ രാഷ്ട്രീയം ഇവിടെ വിലപ്പോവില്ല. ഇതാണ് കേരളമെന്നും അദ്ദേഹം പറഞ്ഞു.
വ്യക്തമായ രാഷ്ട്രീയ കാഴ്ചപ്പാടും അഭിനയ ബോധവുമുള്ള മമ്മൂട്ടിയെ മുദ്രകുത്താൻ എത്ര ശ്രമിച്ചാലും സംഘപരിവാർ ആഖ്യാനത്തിന് കേരളത്തിലെ മതേതര സമൂഹം വഴങ്ങില്ലെന്ന് കോൺഗ്രസ് ജനറൽ സെക്രട്ടറി കെ സി വേണുഗോപാൽ പറഞ്ഞു. അരനൂറ്റാണ്ട് പിന്നിട്ട തൻ്റെ അഭിനയ മികവുകൊണ്ട് ലോകസിനിമയിൽ മലയാള സിനിമയ്ക്ക് ഒരു ഐഡൻ്റിറ്റി നൽകിയ നടന്മാരിൽ ഒന്നാമനാണ് മമ്മൂട്ടി,” അദ്ദേഹം കൂട്ടിച്ചേർത്തു.
“മലയാള സിനിമ അതിൻ്റെ വളർച്ചയുടെ ചരിത്ര ഘട്ടങ്ങളിലൂടെ കടന്നുപോകുമ്പോൾ, മിക്ക സമയത്തും ഒറ്റയ്ക്ക് തോളിലേറ്റി ബലഹീനതകളെ മറികടക്കാൻ മമ്മൂട്ടിക്ക് കഴിഞ്ഞിട്ടുണ്ട്. ഇത്തരമൊരു വ്യക്തിത്വത്തെ ഏതെങ്കിലും മതത്തിൻ്റെയോ ജാതിയുടെയോ ചട്ടക്കൂടിൽ കെട്ടിയിടാനാകില്ലെന്നും അദ്ദേഹം ഫേസ്ബുക്കിൽ കുറിച്ചു.
മുതിർന്ന സിപിഎം നേതാവും വിദ്യാഭ്യാസ മന്ത്രിയുമായ വി. ശിവൻകുട്ടി നടനോടൊപ്പമുള്ള ഒരു ഫോട്ടോ പങ്കിട്ടു. വിദ്വേഷ ശ്രമങ്ങൾക്ക് കേരളത്തിൽ ഇടമുണ്ടാകില്ലെന്ന് ശിവൻകുട്ടി പറഞ്ഞു.
മമ്മൂട്ടിക്കെതിരായ തീര്ത്തും അനാവശ്യവും ഹീനവുമായ ആക്രമണത്തില് വിയോജിപ്പ് പ്രകടിപ്പിച്ച് ബിജെപിയുടെ സംസ്ഥാന വൈസ് പ്രസിഡന്റ്എ.എന്.രാധാകൃഷ്ണനും രംഗത്തെത്തിയിട്ടുണ്ട്. മമ്മൂട്ടിയെ വ്യക്തിപരമായി പതിറ്റാണ്ടുകളായി അറിയാമെന്നും അദ്ദേഹത്തെ പോലൊരു കലാകാരനെ ഏതെങ്കിലും മതതീവ്ര ആശയങ്ങളും അജണ്ടയുമായി സിനിമാമേഖലയിൽ പ്രവർത്തിക്കുന്നവരുമായി കൂട്ടികെട്ടേണ്ട ആവശ്യമില്ലെന്നും അദ്ദേഹം ഫേസ്ബുക് കുറിപ്പിലൂടെ വ്യക്തമാക്കി.
എന്നാൽ മമ്മൂട്ടി ഇക്കാര്യത്തിൽ ഇതുവരെ പ്രതികരിച്ചിട്ടില്ല.
