മഹുവ മൊയ്ത്രയെ പുറത്താക്കിയതിനെതിരെ പ്രതിഷേധിച്ച ലോക്സഭാംഗം ഡാനിഷ് അലിയെ ബിഎസ്പി സസ്പെൻഡ് ചെയ്തു. പാർട്ടി വിരുദ്ധ പ്രവർത്തനങ്ങളുടെ പേരിൽ അംറോഹയിൽ നിന്നുള്ള എംപിയായ ഡാനിഷ് അലിയെ സസ്പെൻഡ് ചെയ്തതായി പാർട്ടിയുടെ ഉത്തർപ്രദേശ് ഘടകം പ്രസ്താവനയിൽ പറഞ്ഞു.
തൃണമൂൽ കോൺഗ്രസ് അംഗം മഹുവ മൊയ്ത്രയെ “അധാർമ്മിക പെരുമാറ്റത്തിന്” പുറത്താക്കാനുള്ള സർക്കാരിന്റെ പ്രമേയത്തിൽ പ്രതിഷേധിച്ച് വെള്ളിയാഴ്ച മറ്റ് പ്രതിപക്ഷ അംഗങ്ങൾക്കൊപ്പം അലി ലോക്സഭാ നടപടികളിൽ നിന്ന് ഇറങ്ങിപ്പോയതിന് തൊട്ടുപിന്നാലെയാണ് ഈ നീക്കം.
ഡാനിഷ് അലി ഒഴിച്ചുള്ള ബി.എസ്.പി. അംഗങ്ങള് പ്രതിപക്ഷത്തിന്റെ പ്രതിഷേധത്തില് പങ്കെടുത്തിരുന്നില്ല. നേരത്തെയും ബിഎസ്പി അംഗങ്ങള് ബിജെപിക്കെതിരായ നീക്കങ്ങളില് ഒഴിഞ്ഞു നിന്നിരുന്നു. എന്നാല് ഡാനിഷ് അലി മാത്രം പ്രതിപക്ഷത്തിനൊപ്പം ചേര്ന്ന് പല പ്രതിഷേധത്തിലും ഭാഗബാക്കായി. കോണ്ഗ്രസ് ഡാനിഷ് അലിയെ പിന്തുണച്ച് രംഗത്ത് വരികയും ചെയ്തിരുന്നു.