അട്ടപ്പാടി മധു വധക്കേസില് മണ്ണാര്ക്കാട് എസ് സി- എസ് ടി കോടതി ഏപ്രിൽ നാലിന് വിധി പറയും. 11 മാസത്തെ സാക്ഷി വിസ്താരത്തിന് ശേഷമാണ് വിധി പ്രഖ്യാപനം. അരി മോഷ്ടിച്ചെന്ന കാരണത്താല് 2018 ഫെബ്രുവരി 22ന് മധുവിനെ ആള്ക്കൂട്ട വിചാരണ നടത്തി മര്ദിച്ച് അവശനാക്കി കൊലപ്പെടുത്തിയെന്നാണ് കേസ്. മധു കൊല്ലപ്പെട്ട് അഞ്ച് വര്ഷങ്ങള്ക്ക് ശേഷമാണ് നിരവധി പ്രതിസന്ധികള് മറികടന്ന് മണ്ണാര്ക്കാട് കോടതിയില് കേസിന്റെ വാദം പൂര്ത്തിയായത്.
കേസില് വിചാരണ ആരംഭിക്കുമ്പോള് 122 സാക്ഷികളാണ് ഉണ്ടായിരുന്നത്. വിചാരണ തുടങ്ങിയതിനുശേഷം അഞ്ച് സാക്ഷികളെക്കൂടി ചേര്ത്തതോടെ 127 പേരായി. കഴിഞ്ഞ വര്ഷം ഏപ്രില് 28-നാണ് മണ്ണാര്ക്കാട് എസ്.സി-എസ്.ടി. പ്രത്യേക കോടതിയില് കേസിന്റെ വിചാരണ തുടങ്ങിയത്.