കേന്ദ്ര സര്ക്കാര് ജീവനക്കാരുടേയും പെന്ഷന്കാരുടേയും ക്ഷാമബത്ത (ഡിഎ) വര്ധിപ്പിക്കാന് തീരുമാനം. മൂന്ന് ശതമാനം ഉയര്ത്താനാണ് തീരുമാനം. നിലവില് കേന്ദ്ര ജീവനക്കാര്ക്കും പെന്ഷന്കാര്ക്കും 31 ശതമാനമായിരുന്നു ക്ഷാമബത്ത. മൂന്ന് ശതമാനം വര്ധിപ്പിക്കുന്നതോടെ ഇത് 34 ശതമാനം ആകും.
2022 ജനുവരി ഒന്ന് മുതല് മുന്കാല പ്രാബല്യത്തോടെ ഡിഎ വര്ധിപ്പിക്കാനാണ് കേന്ദ്രമന്ത്രിസഭായോഗം തീരുമാനിച്ചിരിക്കുന്നത്. മാര്ച്ചിലെ ശമ്പളത്തോടൊപ്പം ജീവനക്കാര്ക്ക് പുതുക്കിയ ഡിഎയും ലഭിക്കും. ക്ഷാമമബത്ത ഉയര്ത്തിയത് രാജ്യത്തെ 50 ലക്ഷത്തോളം ജീവനക്കാര്ക്കും 65 ലക്ഷത്തോളം പെന്ഷന്ക്കാര്ക്കും പ്രയോജനപ്രദമാകും.
