യുവതിയെ നടുറോഡിൽ വെട്ടിക്കൊന്ന പ്രതി തൂങ്ങിമരിച്ച നിലയിൽ

കൊടുങ്ങല്ലൂരിൽ വസ്ത്ര വ്യാപാരിയായ യുവതിയെ നടുറോഡിൽ വെട്ടിക്കൊന്ന കേസിലെ പ്രതി റിയാസിനെ തൂങ്ങിമരിച്ച നിലയിൽ കണ്ടെത്തി. ഏറിയാട് ചൈതന്യ നഗർ കസ്തൂരി കോവിലിനു വടക്കുവശമുള്ല ആളൊഴിഞ്ഞ പറമ്പിലെ മരത്തിൽ തൂങ്ങി മരിച്ച നിലയിലായിരുന്നു. റിൻസിയെ കൊലപ്പെടുത്തിയ ശേഷം ഒളിവിൽ പോയ റിയാസിനായി പൊലീസ് അന്വേഷണം തുടങ്ങിയതിനു പിന്നാലെയാണ് ഇന്ന് രാവിലെയോടെ റിയാസിനെ മരിച്ചനിലയില്‍ കണ്ടത്. വ്യാഴാഴ്ച രാത്രി എട്ടരയോടെയാണ് റിൻസിയെ റിയാസ് കൊലപ്പെടുത്തിയത്. വീ​ടി​ന്റെ​ ​സ​മീ​പ​ത്തു​ള്ള​ ​സ്‌​കൂ​ൾ​ ​ജം​ഗ്ഷ​നി​ൽ​ ​ന​ട​ത്തിവന്നിരുന്ന​ ​നി​റ​ക്കൂ​ട്ട് ​എ​ന്ന​ ​റെ​ഡി​മെ​യ്ഡ് വസ്ത്ര ​സ്ഥാ​പ​നം​ ​പൂ​ട്ടി അ​ഞ്ചും​ ​പ​ത്തും​ ​വ​യ​സു​ള്ള​ ​മ​ക്ക​ളോ​ടൊ​പ്പം​ ​വീ​ട്ടി​ലേ​ക്ക് ​വ​രു​ന്ന​ ​വ​ഴിയാണ് റിൻസിയെ റിയാസ് ആക്രമിച്ചത്. ​ആ​ളൊ​ഴി​ഞ്ഞ​ ​ഭാ​ഗ​ത്ത് ​സ്‌​കൂ​ട്ട​ർ​ ​ത​ട​ഞ്ഞു​ ​നി​റു​ത്തി​ ​റി​യാ​സ് ​വെ​ട്ടുകയായിരുന്നു.​