ഐസ്ആര്‍ഒ യുടെ ഭൗമനിരീക്ഷണ ഉപഗ്രഹമായ ഇ.ഒഎസ്. 04 ന്റെയും രണ്ട് ചെറു ഉപഗ്രഹങ്ങളുടെയും വിക്ഷേപണം വിജയകരമായി പൂര്‍ത്തിയാക്കി. ശ്രീഹരിക്കോട്ട സതീഷ് ധവാന്‍ സ്ംപേസ് സെന്ററില്‍ നിന്ന് ഇന്ന് പുലര്‍ച്ചെ 5.59 നാണ് വിക്ഷേപണം നടത്തിയത്.
പി.എസ്.എല്‍.വി.-സി 52 റോക്കറ്റാണ് വിക്ഷേപണത്തിന് ഉപയോഗിച്ചത്.റഡാര്‍ ഇമേജിങ് ഉപഗ്രഹമായ ഇ.ഒ.എസ്.-04 വഴി പ്രതികൂല കാലാവസ്ഥയിലും തെളിച്ചമുള്ള ചിത്രങ്ങളെടുക്കാന്‍ സാധിക്കും.
കാര്‍ഷിക ഗവേഷണം, പ്രളയസാധ്യതാ പഠനം, ഭൂഗര്‍ഭ-ഉപരിതല ജലപഠനം എന്നിവയ്ക്കുള്ള വിവരങ്ങളും ഉപഗ്രഹത്തിന് കൈമാറാനാകും. പത്തു വര്‍ഷമാണ് ഉപഗ്രഗത്തിന്റെ ആയുസ്സ.
സിങ്കപ്പൂര്‍, തായ്വാന്‍ രാജ്യങ്ങളുടെ പരീക്ഷണ ഉപകരണങ്ങള്‍ ഉള്‍പ്പെട്ട ഇന്‍സ്പെയര്‍ സാറ്റ് -1 സൂര്യനെക്കുറിച്ചുള്ള പഠനത്തിനായാണ് വിക്ഷേപിച്ചത്. 8.1 കിലോ ഭാരമുള്ള ഉപഗ്രഹത്തിന്റെ ആയുസ്സ് ഒരു വര്‍ഷമാണ്.
ഐ.എന്‍.എസ്. 2 ടി.ഡി. യുടെ ലക്ഷ്യം ഭൂമി, വെള്ളം, ഉപരിതല ഊഷ്മാവ് എന്നിവയെക്കുറിച്ചുള്ള പഠനമാണ്.പേലോഡില്‍ ഘടിപ്പിച്ച തെര്‍മല്‍ ഇമേജിങ് ക്യാമറയാണ് പ്രത്യേകത.15.7 കിലോ ഭാരമുള്ള ഉപഗ്രഹത്തിന്റെ ആയുസ്സ് 6 മാസമാണ്.
