തമിഴ്നാട് നഗരസഭാ തിരഞ്ഞെടുപ്പിൽ ഡി.എം.കെ ക്ക് മിന്നും ജയം.തമിഴ്നാടിന്റെ രാഷ്ട്രീയത്തിൽ പ്രധാന പങ്ക് വഹിക്കുന്ന ചെന്നൈ കോർപ്പറേഷനിൽ 200 വാർഡിലെ 164 വാർഡുകളിൽ വോട്ടെണ്ണൽ പൂർത്തിയായപ്പോൾ 128 വാർഡുകളിളും ഡി.എം.കെ വിജയിച്ചു. സഖ്യകക്ഷിയായ സിപിഎമ്മിന് 2 സീറ്റുകൾ ലഭിച്ചു. സിപിഐ 1 സീറ്റുംനേടി..എഐഎഡിഎംകെ 15 സീറ്റിലും കോൺഗ്രസ് 9 സീറ്റിലുമാണ് വിജയിച്ചത്. മൂന്ന് സ്വതന്ത്ര സ്ഥാനാർത്ഥികളും വിജയിച്ചു.
ഡി. എം. കെ യുടെ വിജയത്തിൽ മുഖ്യമന്ത്രി സ്റ്റാലിൻ ജനങ്ങളോട് നന്ദി അറിയിച്ചു. സ്റ്റാലിന്റെ രാഷ്ട്രീയ ഭാവി ആരംഭിക്കുന്നത് ചെന്നൈ മേയർ പദവിയിൽ നിന്നുമാണ്. ചെന്നൈ കോർറേഷനിലെ തുടർച്ചയായ വിജയം ഡിഎംകെ യ്ക്ക് കൂടുതൽ കരുത്താകുമെന്നാണ് വിലയിരുത്തൽ.
