ട്രെയിൻ യാത്രക്കാർക്ക് വലിയ ആശ്വാസ വാർത്ത.ഫെബ്രുവരി 14 മുതൽ എല്ലാ ട്രെയിനുകളിലും പാകം ചെയ്ത ഭക്ഷണം വിളമ്പുന്നത് പുനരാരംഭിക്കുമെന്ന് ഇന്ത്യൻ റെയിൽവേ കാറ്ററിംഗ് ആൻഡ് ടൂറിസം കോർപ്പറേഷൻ (ഐആർസിടിസി) വെള്ളിയാഴ്ച അറിയിച്ചു.
ഇതിനുപുറമെ, ട്രെയിനുകളിൽ ആവശ്യാനുസരണം റെഡി-ടു ഈറ്റ് ഭക്ഷണവും തുടർന്നും ലഭ്യമാകും. കോവിഡ്-19 മഹാമാരിയും തുടർന്നുള്ള ലോക്ക്ഡൗണും കാരണം കഴിഞ്ഞ വർഷം മാർച്ച് 23 ന് ഇ-കാറ്ററിംഗ് സേവനങ്ങൾ താൽക്കാലികമായി നിർത്തി വെച്ചിരുന്നു.
ഈ വർഷം ജനുവരിയോടെ 80 ശതമാനം ട്രെയിനുകളിലും പാകം ചെയ്ത ഭക്ഷണ വിതരണം പുനഃസ്ഥാപിക്കുകയുണ്ടായി.
