മുംബൈയിൽ വൻ തീപിടിത്തം : രണ്ട് മരണം, നിരവധി പേർക്ക് പരിക്ക്

മുംബൈയിൽ 20 നിലകളുള്ള റെസിഡൻഷ്യൽ കെട്ടിടത്തിൽ ഇന്ന് പുലർച്ചെയുണ്ടായ തീപിടിത്തത്തിൽ രണ്ട് പേർ മരിച്ചു. 15 പേർക്ക് പരിക്കേറ്റു. മൂന്ന് പേരുടെ നില ഗുരുതരമാണെന്നും പരിക്കേറ്റവരുടെ നില തൃപ്തികരമാണെന്നും അധികൃതർ അറിയിച്ചു.നഗരത്തിലെ ഗോവാലിയ ടാങ്ക് ഏരിയയിൽ നാനാ ചൗക്കിലെ കമല ബിൽഡിംഗിന്റെ പതിനെട്ടാം നിലയിൽ രാവിലെ 7.30 ഓടെയാണ് തീപിടിത്തമുണ്ടായതെന്നാണ് പ്രാഥമിക റിപ്പോർട്ട്. അഗ്നിശമന, രക്ഷാപ്രവർത്തനങ്ങൾ പുരോഗമിക്കുകയാണ്.പരിക്കേറ്റവരെ അടുത്തുള്ള ഭാട്ടിയ ആശുപത്രിയിൽ പ്രവേശിപ്പിച്ചു, അതിൽ 12 പേരെ ജനറൽ വാർഡിൽ പ്രവേശിപ്പിച്ചു. അവരുടെ നില തൃപ്തികരമാണ്. മൂന്ന് പേരുടെ നില ഗുരുതരമായതിനാൽ ഐസിയുവിൽ പ്രവേശിപ്പിച്ചു.