വാടക ഗർഭധാരണത്തിലൂടെ ബോളിവുഡ്-ഹോളിവുഡ് നടി പ്രിയങ്ക ചോപ്ര അമ്മയായി. വെള്ളിയാഴ്ച രാത്രി 12 മണിയോടെ ഇൻസ്റ്റാഗ്രാം പോസ്റ്റിലൂടെയാണ് അവർ ഇക്കാര്യം അറിയിച്ചത്. വാടക ഗർഭധാരണത്തിലൂടെ ഒരു കുട്ടിയെ ഞങ്ങളുടെ ജീവിതത്തിലേക്ക് സ്വാഗതം ചെയ്യുന്ന കാര്യം പങ്കുവെക്കുന്നതിൽ സന്തോഷമുണ്ടെന്ന് പ്രിയങ്ക തന്റെ പോസ്റ്റിൽ കുറിച്ചു. ഞങ്ങളുടെ കുടുംബത്തിനായി ഞങ്ങൾ നിങ്ങളോട് ബഹുമാനപൂർവ്വം അഭ്യർത്ഥിക്കുന്നു, ഈ പ്രത്യേക സമയത്ത് ഞങ്ങളുടെ സ്വകാര്യത ശ്രദ്ധിക്കുക- പ്രിയങ്ക കുറിച്ചു.
മകൻ ആണോ മകൾ ആണോ നിക്ക്-പ്രിയങ്കമാരുടെ വീട്ടിൽ എത്തിയതെന്ന കാര്യത്തിൽ വിവരങ്ങളൊന്നും ലഭിച്ചിട്ടില്ല. കഴിഞ്ഞ മൂന്ന് മാസത്തിനിടെ വാടക ഗർഭധാരണത്തിലൂടെ അമ്മയാകുന്ന രണ്ടാമത്തെ ബോളിവുഡ് നടിയാണ് പ്രിയങ്ക. നേരത്തെ 2021 നവംബർ 17ന് പ്രീതി സിന്റയും വാടക ഗർഭധാരണത്തിലൂടെ ഇരട്ടക്കുട്ടികളുടെ അമ്മയായി.
പ്രിയങ്ക ചോപ്രയും നിക്ക് ജോനാസും ബോളിവുഡിൽ ഏറെ ചർച്ച ചെയ്യപ്പെടുന്ന ദമ്പതിമാരിൽ ഒരാളാണ്. 2018 ഡിസംബർ 2 ന് ഉദയ്പൂരിലെ ഉമൈദ് ഭവനിൽ വെച്ച് ഹിന്ദു, ക്രിസ്ത്യൻ ആചാരപ്രകാരമാണ് ഇരുവരും വിവാഹിതരായത്.
