വാക്സിന് ബുക്കിങില് ചരിത്രവിഢിത്തവും അശ്രദ്ധയും കാണിച്ച് വിമര്ശനം കൊണ്ട് നാണംകെട്ടിരിക്കുന്ന കേന്ദ്രസര്ക്കാര് വന് തോതില് വാക്സിന് വാങ്ങാന് മുന്കൂര് പണം നല്കാന് തീരുമാനിച്ചിരിക്കുന്നു. ഹൈദരാബാദ് ആസ്ഥാനമായ ‘ബയോളൊജിക്കല് -ഇ’ എന്ന വാക്സിന് ഉല്പാദക കമ്പനിയില് നിന്നും 30 കോടി ഡോസ് കൊവിഡ് വാക്സിന് വാങ്ങാന് കേന്ദ്രസര്ക്കാര് ഒരുങ്ങുന്നു.
അന്താരാഷ്ട്ര കമ്പനിയായ ജോണ്സണ് ആന്റ് ജോണ്സണ്-ന്റെ കൊവിഡ് വാക്സിന് ഇന്ത്യയില് ഉല്പാദിപ്പിക്കുന്ന കമ്പനിയാണ് ബയോളജിക്കല്-ഇ. 600 മില്യണ് ഡോസ് ആണ് കമ്പനി ഉല്പാദിപ്പിക്കാന് കരാര് ഏറ്റെടുത്തിരിക്കുന്നത്.
ആഗസ്റ്റ് മുതല് ഡിസംബര് വരെയുള്ള കാലയളവിലാണ് ഇത്രയും വാക്സിന് ലഭ്യമാകുക. ഇതിനായി കമ്പനിക്ക് 1500 കോടി രൂപ മുന്കൂറായി നല്കാനും തീരുമാനിച്ചതായി കേന്ദ്ര ആരോഗ്യകുടുംബക്ഷേമ മന്ത്രാലയം ട്വിറ്റര് കുറിപ്പില് വ്യക്തമാക്കി.
