ഓരോ വർഷവും ഏകദേശം 1.80 ലക്ഷം ഇന്ത്യക്കാർ അവരുടെ പൗരത്വം ഉപേക്ഷിച്ച് വിദേശികളാകുന്നു. സ്ത്രീകൾക്കും കുട്ടികൾക്കും സുരക്ഷിതമായ അന്തരീക്ഷം തേടൽ, മലിനീകരണമില്ലാത്ത വായു പോലുള്ള ജീവിതശൈലി ഘടകങ്ങൾ, ഉയർന്ന വരുമാനം പോലുള്ള സാമ്പത്തിക ആശങ്കകൾ കൂടാതെ കുറഞ്ഞ നികുതിയും. ഇതുകൂടാതെ, കുടുംബത്തിന് മെച്ചപ്പെട്ട ആരോഗ്യ സംരക്ഷണം, കുട്ടികൾക്ക് വിദ്യാഭ്യാസം, സ്വതന്ത്രമായ വ്യക്തി ജീവിതത്തിന് കടുത്ത നിയന്ത്രണങ്ങൾ ഏർപ്പെടുത്തുന്ന സർക്കാരിൽ നിന്ന് രക്ഷപ്പെടൽ–ജനങ്ങൾ രാജ്യം വിടുന്നതിന് കാരണമായി പറയുന്നത് ഇവയാണെന്ന് സർവ്വേ റിപോർട്ടുകൾ പറയുന്നു.
പൗരത്വം ഉപേക്ഷിക്കുന്നവരുടെ എണ്ണം വർദ്ധിക്കുന്നതിനുള്ള ഒരു പ്രധാന കാരണം ഇന്ത്യയിലെ പൗരത്വവുമായി ബന്ധപ്പെട്ട നിയമങ്ങളാണ്. 1955ലെ ഭരണഘടനാ ഭേദഗതി പൗരത്വ നിയമം അനുസരിച്ച് ഇന്ത്യയിൽ ഇരട്ട പൗരത്വമില്ല. അതായത്, ഇന്ത്യൻ പൗരത്വമുള്ള ഒരാൾക്ക് മറ്റൊരു രാജ്യത്തിന്റെയും പൗരത്വത്തിന് അർഹതയില്ല. ഇത്തരമൊരു സാഹചര്യത്തിൽ വിദേശത്തേക്ക് പോയവർ അവിടെ ബിസിനസ്സ് നടത്തുകയും അവിടെ പൗരത്വം നേടുകയും ചെയ്യുന്നു.
ഇന്ത്യക്കാര്ക്ക് അമേരിക്കയിലേക്കുള്ള കുടിയേറ്റത്തില് താല്പര്യം കുറഞ്ഞതായാണ് കണക്കുകള് പറയുന്നത്. പകരം ഇംഗ്ലണ്ട്, ഓസ്ട്രേലിയ, ന്യൂസിലാന്ഡ് എന്നീ രാജ്യങ്ങളാണ് ഇപ്പോള് ഇന്ത്യക്കാര് കൂടുതലായി ഇഷ്ടപ്പെടുന്നത്.
ഇന്ത്യയിൽ നിന്നും മറ്റു രാജ്യങ്ങളിലേക്ക് കുടിയേറിയവരിൽ 8 കോടിയിലധികം ആസ്തിയുള്ള 7000 പേരുണ്ട് എന്ന കണക്കും കൗതുകം ഉണർത്തുന്നതാണ് . ബാക്കിയുള്ളവരിൽ ഭൂരിഭാഗവും നല്ല ശമ്പളമുള്ള പ്രൊഫഷണലുകളാണ്.