ജവഹർലാൽ നെഹ്റു സർവകലാശാല (ജെഎൻയു) ക്യാമ്പസിലെ വനമേഖലയിൽ അഴുകിയ നിലയിൽ മൃതദേഹം കണ്ടെത്തി. മരത്തിൽ തൂങ്ങിമരിച്ച നിലയിലാണ് മൃതദേഹം കണ്ടെത്തിയത്.
ഇന്നലെ വൈകിട്ട് 6.30ഓടെ യാണ് മൃതദേഹം കണ്ടെത്തിയതായി പോലീസിന് വിവരം ലഭിച്ചത്. തുടർന്നാണ് സ്ഥലത്തെത്തിയതെന്ന് ഡൽഹി പോലീസ് അറിയിച്ചു.
40-45 വയസ്സ് പ്രായമുള്ള ആളാണ് മരിച്ചത്. ആളെ തിരിച്ചറിയാനായിട്ടില്ല.
ദിവസങ്ങൾക്ക് മുമ്പാണ് മരണം സംഭവിച്ചിരിക്കുന്നതെന്നും പോലീസ് പറഞ്ഞു. ഫോറൻസിക് സംഘവും സ്ഥലത്തെത്തി പരിശോധന നടത്തി.
മൃതദേഹം ആരുടേതെന്ന് കണ്ടെത്താൻ പൊലീസ് അന്വേഷണം ആരംഭിച്ചിട്ടുണ്ട്.
