ഞാൻ നാമനിർദ്ദേശ പത്രിക സമർപ്പിക്കുമ്പോൾ എനിക്ക് ലഭിക്കുന്ന പിന്തുണ നിങ്ങൾ കാണും- ശശി തരൂർ

എഐസിസി അധ്യക്ഷ തെരഞ്ഞെടുപ്പിനെ നേരിടാനുള്ള തന്റെ ശ്രമത്തിന് രാജ്യത്തുടനീളമുള്ള പാർട്ടി പ്രവർത്തകരുടെ പിന്തുണയുണ്ടെന്ന് അവകാശപ്പെട്ട് കോൺഗ്രസ് നേതാവ് ശശി തരൂർ. പാലക്കാട് പട്ടാമ്പിയിൽ ഭാരത് ജോഡോ യാത്രയ്ക്കിടെ തരൂർ രാഹുൽ ഗാന്ധിയുമായി കൂടിക്കാഴ്ച നടത്തി.”ഞാൻ നാമനിർദ്ദേശ പത്രിക സമർപ്പിക്കുമ്പോൾ ലഭിക്കുന്ന പിന്തുണ നിങ്ങൾ കാണും. ഭൂരിപക്ഷം സംസ്ഥാനങ്ങളിൽ നിന്നും പാർട്ടി പ്രവർത്തകരുടെ പിന്തുണ ലഭിച്ചാൽ ഞാൻ മത്സരരംഗത്തുണ്ടാകും. രാജ്യത്തിന്റെ വിവിധ ഭാഗങ്ങളിൽ നിന്നുള്ള നിരവധി ആളുകൾ എന്നോട് മത്സരിക്കാൻ അഭ്യർത്ഥിച്ചു.”-തരൂർ മാധ്യമങ്ങളോട് പറഞ്ഞു.