സില്വര്ലൈന് പദ്ധതിക്ക് അനുമതി നല്കിയിട്ടില്ലെന്ന് ഹൈക്കോടതിയില് ആവർത്തിച്ച് കേന്ദ്രസര്ക്കാര്. പദ്ധതിയുടെ പ്രാരംഭ പ്രവര്ത്തനങ്ങള്ക്ക് മാത്രമാണ് കേന്ദ്രം തത്വത്തിലുള്ള അനുമതി നൽകിയത്.
സിൽവർലൈനിനുള്ള സമൂഹികാഘാത പഠനത്തിന് അനുമതി നൽകിയിട്ടില്ല. സര്വേയുടെ പേരിൽ കുറ്റികൾ സ്ഥാപിക്കണമെന്ന് സര്ക്കാരിനോട് ആവശ്യപ്പെട്ടിട്ടില്ലെന്നും കേന്ദ്രം വ്യക്തമാക്കി.
കെ റെയില് കൈമാറിയ ഡിപിആർ അപൂര്ണമാണ്. പദ്ധതിയുടെ സാങ്കേതിക വിശദാംശങ്ങള് ഡിപിആറില് ഉണ്ടായിരുന്നില്ല. ഇവ കൈമാറാന് ആവശ്യപ്പെട്ടിട്ടുണ്ടെന്നും കേന്ദ്ര സർക്കാർ ഹൈക്കോടതിയെ അറിയിച്ചു.
കേന്ദ്ര ധനമന്ത്രാലയം സില്വര്ലൈന് പദ്ധതിക്ക് സാമ്പത്തിക അനുമതി നല്കിയിട്ടില്ലെന്നും കേന്ദ്രം കോടതിയെ അറിയിച്ചു.
സിൽവർലൈൻ സർവ്വേയ്ക്ക് എതിരായ വിവിധ ഹർജികളിൽ ആണ് കേന്ദ്രം മറുപടി നൽകിയത്.
