സർക്കാർ ജീവനക്കാരിൽ ഒരു വിഭാഗം ‘വൈറ്റ് കോളർ ബെഗേഴ്സ്’ ആണെന്നു ചിലർ പറയുന്നതായി മന്ത്രി എംവി ഗോവിന്ദൻ. തിരുവനന്തപുരം ജില്ലയിലെ തദ്ദേശ സ്ഥാപന അധ്യക്ഷർ, സെക്രട്ടറിമാർ എന്നിവരുടെ അവലോകന യോഗത്തിൽ മന്ത്രിയുടെ വാക്കുകൾ ഇങ്ങനെ: ‘വൈറ്റ് കോളർ ബെഗേഴ്സ്’ എന്നാണു ചിലർ അതു സംബന്ധിച്ചു പറഞ്ഞത്. ആ രീതിയിൽ നാണം കെട്ട, ജീർണമായ, നമ്മുടെ സമൂഹത്തിനു തന്നെ അപമാനം സൃഷ്ടിക്കുന്ന ചിലയാളുകൾ ഈ സർവീസിന്റെ ഭാഗമായുണ്ട്-ഗോവിന്ദൻ പറഞ്ഞു.
സമൂഹത്തിന് അപമാനം സൃഷ്ടിക്കുന്ന ചിലര് സര്ക്കാര് സര്വീസിലുണ്ട്. ആളുകളെ സര്ക്കാര് ഓഫീസുകളില് കയറ്റിയിറക്കി കാര്യം നേടുന്ന ചില ഉദ്യോഗസ്ഥരുണ്ട്. ഇതു തിരുത്തണം. ഉദ്യോഗസ്ഥര് തെറ്റായ രീതിയില് ഒരുഫയലും താഴേയ്ക്കും മുകളിലേയ്ക്കും അയക്കരുതെന്നും മന്ത്രി പറഞ്ഞു.
