നിങ്ങളുടെ അടുത്ത അന്താരാഷ്ട്ര യാത്ര ആസൂത്രണം ചെയ്യുകയാണോ അതോ ഇന്ത്യയ്ക്കുള്ളിൽ യാത്രയ്ക്കായി കാത്തിരിക്കുകയാണോ? അടുത്തിടെ യാത്രാ ലോകത്ത് നിങ്ങൾ അറിയേണ്ട നിരവധി കാര്യങ്ങൾ ഉണ്ടായിട്ടുണ്ട്. വിസ മാറ്റങ്ങൾ, പാസ്പോർട്ടുമായി ബന്ധപ്പെട്ട വാർത്തകൾ, ടൂറിസം സംരംഭങ്ങൾ, തുടങ്ങി നിരവധി കാര്യങ്ങൾ അവയിൽ ഉൾപ്പെടുന്നു. ഇവയെല്ലാം നിങ്ങളുടെ യാത്രകളെ വ്യത്യസ്ത രീതികളിൽ ബാധിച്ചേക്കാം. അവയിൽ മിക്കതും യാത്രക്കാർക്ക് അനുകൂല കാര്യങ്ങളാണ് . ഇന്ത്യൻ യാത്രക്കാർ അറിഞ്ഞിരിക്കേണ്ട ചില പ്രധാന കാര്യങ്ങൾ.
ഇന്ത്യൻ പൗരന്മാർക്ക് ഇപ്പോൾ 59 രാജ്യങ്ങളിലേക്ക് വിസയില്ലാതെയോ അല്ലെങ്കിൽ ഓൺ അറൈവൽ പാസ്പോർട്ടിലൂടെയോ യാത്ര ചെയ്യാൻ കഴിയും. കൂടുതലറിയാൻ വിസ രഹിത രാജ്യങ്ങളുടെ പട്ടിക പരിശോധിക്കാം.
ജിസിസി വിസയിൽ ഒറ്റ വിസയിൽ 6 ഗൾഫ് രാജ്യങ്ങൾ സന്ദർശിക്കാം. മിഡിൽ ഈസ്റ്റിലേക്ക് ഒരു യാത്ര ആസൂത്രണം ചെയ്യുന്നുണ്ടോ? ഈ മേഖലയ്ക്കായി ഉടൻ ആരംഭിക്കാൻ പോകുന്ന പുതിയ വിസയ്ക്കായി കാത്തിരിക്കുക. പുതിയ ജിസിസി ഗ്രാൻഡ് ടൂർസ് വിസയിൽ ഒരു വിസ ഉപയോഗിച്ച് ആറ് ഗൾഫ് രാജ്യങ്ങൾ (യുഎഇ, സൗദി അറേബ്യ, ഖത്തർ, ബഹ്റൈൻ, ഒമാൻ, കുവൈറ്റ്) സന്ദർശിക്കാൻ യാത്രക്കാരെ അനുവദിക്കും. 2025 അവസാനത്തോടെയോ 2026 ന്റെ തുടക്കത്തിലോ ഇത് ആരംഭിക്കുമെന്ന് പ്രതീക്ഷിക്കുന്നു. ജിസിസി വിസ , ഗൾഫിലുടനീളമുള്ള വിനോദസഞ്ചാരികൾക്ക് ചെലവ് കുറഞ്ഞതും എളുപ്പവുമാക്കും.
ചൈനീസ് പൗരന്മാർക്ക് ഇന്ത്യ ടൂറിസ്റ്റ് ഇ-വിസകൾ വീണ്ടും തുടങ്ങി . അഞ്ച് വർഷത്തെ ഇടവേളയ്ക്ക് ശേഷം, ചൈനീസ് പൗരന്മാർക്കുള്ള ടൂറിസ്റ്റ് ഇ-വിസ സേവനങ്ങൾ ഇന്ത്യ ഔദ്യോഗികമായി പുനരാരംഭിച്ചു. 2025 ജൂലൈയിൽ ഈ തീരുമാനം പ്രാബല്യത്തിൽ വന്നു. കൂടുതൽ ചൈനീസ് വിനോദസഞ്ചാരികളെയും, ബിസിനസ് സഞ്ചാരികളെയും, സാംസ്കാരിക സന്ദർശകരെയും ഇന്ത്യയിലേക്ക് ആകർഷിക്കാൻ സഹായിക്കുമെന്ന് പ്രതീക്ഷിക്കുന്നു. ഇരു രാജ്യങ്ങളും തമ്മിലുള്ള ഉഭയകക്ഷി ബന്ധം മെച്ചപ്പെടുത്തുന്നതിനും ടൂറിസം വിനിമയങ്ങൾ വർദ്ധിപ്പിക്കുന്നതിനുമുള്ള ഒരു ചുവടുവയ്പ്പായിട്ടാണ് ഈ നീക്കം കാണുന്നത്.
ജർമ്മനിയുടെ ഫ്രീലാൻസ് വിസ സ്വതന്ത്ര തൊഴിലാളികൾക്ക് ഗുണം.
നിങ്ങൾ വിദേശത്ത് താമസിക്കാനും ജോലി ചെയ്യാനും ആഗ്രഹിക്കുന്ന ഒരു ഫ്രീലാൻസറോ, കൺസൾട്ടന്റോ, കലാകാരനോ ആണെങ്കിൽ, ജർമ്മനിയുടെ ഫ്രീലാൻസ് വിസ ഗുണം ചെയ്യും. സ്വതന്ത്ര പ്രോജക്റ്റുകളിൽ ജോലി ചെയ്യുമ്പോൾ തന്നെ ജർമ്മനിയിൽ താമസിക്കാൻ ഈ വിസ നിങ്ങളെ അനുവദിക്കുന്നു. ഇതിന് ഒരു വർഷം വരെ സാധുതയുണ്ട്,. ഇത് നീട്ടാനും കഴിയും.
ലോകത്തിലെ ഏറ്റവും സുരക്ഷിതമായ നഗരമായി അബുദാബി വീണ്ടും തിരഞ്ഞെടുക്കപ്പെട്ടു.
നംബിയോയുടെ 2025 സുരക്ഷാ സൂചിക പ്രകാരം തുടർച്ചയായി ഒമ്പതാം വർഷവും അബുദാബി ലോകത്തിലെ ഏറ്റവും സുരക്ഷിതമായ നഗരമായി തിരഞ്ഞെടുക്കപ്പെട്ടു. കുറഞ്ഞ കുറ്റകൃത്യ നിരക്കും ഫലപ്രദമായ പൊതു സുരക്ഷാ സംവിധാനങ്ങളും ഇതിന് സഹായകമായി . യുഎഇയിലേക്ക് യാത്രകൾ ആസൂത്രണം ചെയ്യുന്ന ഇന്ത്യൻ യാത്രക്കാർക്ക് ഇത് ആശ്വാസകരമായ വാർത്തയാണ്. ദേശീയ തലത്തിൽ, ഇന്ത്യയിലെ ഏറ്റവും സുരക്ഷിതമായ നഗരമായി അഹമ്മദാബാദ് തിരഞ്ഞെടുക്കപ്പെട്ടു .
മുംബൈയ്ക്കും ഗോവയ്ക്കും ഇടയിൽ ഓടുന്ന ഇന്ത്യയിലെ ആദ്യത്തെ കാർ ഫെറി ട്രെയിൻ വരുന്നു . 2025 ലെ ഗണേശ ചതുർത്ഥി ദിനത്തിൽ ഇത് ആരംഭിക്കും. മുംബൈയ്ക്കും ഗോവയ്ക്കും ഇടയിൽ കാർ വഹിക്കാവുന്ന ട്രെയിൻ സർവീസ് ആരംഭിക്കും . യാത്രക്കാർക്ക് അവരുടെ കാറുകൾ ചരക്ക് കോച്ചിൽ കയറ്റി അതേ ട്രെയിനിൽ കയറാൻ കഴിയും.
അരുണാചൽ പ്രദേശിനെ ഇന്ത്യയുടെ ‘ഓർക്കിഡ് തലസ്ഥാനം’ ആയി പ്രഖ്യാപിക്കുന്നു.
ഇന്ത്യയുടെ ഓർക്കിഡ് തലസ്ഥാനമാകാൻ അരുണാചൽ പ്രദേശ് പദ്ധതിയിടുന്നു. 600-ലധികം രേഖപ്പെടുത്തിയ ഓർക്കിഡ് ഇനങ്ങൾ ഈ സംസ്ഥാനത്ത് ഉണ്ട്. ഇതിൽ നിരവധി അപൂർവവും വിദേശിയുമായ ഇനങ്ങൾ ഉണ്ട്. ഓർക്കിഡ് അധിഷ്ഠിത ഇക്കോ ടൂറിസം പ്രോത്സാഹിപ്പിക്കാനും ഓർക്കിഡ് പാർക്കുകൾ വികസിപ്പിക്കാനും സംരക്ഷണത്തെക്കുറിച്ചുള്ള അവബോധം വർദ്ധിപ്പിക്കാനും അധികൃതർ പദ്ധതിയിടുന്നു.
ഇന്ത്യയിലെ ആദ്യത്തെ മൈനിംഗ് ടൂറിസം പദ്ധതി ജാർഖണ്ഡിൽ ആരംഭിക്കുന്നു.
ഇന്ത്യയിലെ ആദ്യത്തെ മൈനിംഗ് ടൂറിസം ആരംഭിക്കാൻ ജാർഖണ്ഡ് ഒരുങ്ങുകയാണ്. ഇതിൽ യഥാർത്ഥ മൈനിംഗ് സൈറ്റുകളിലൂടെയുള്ള ടൂറുകൾ ഉൾപ്പെടുമെന്നാണ് റിപ്പോർട്ട്. പ്രദേശത്തിന്റെ സമ്പദ്വ്യവസ്ഥയുടെയും ചരിത്രത്തിന്റെയും അത്ര അറിയപ്പെടാത്ത ഒരു വശം ഇത് വെളിവാക്കും.
