സുപ്രീം കോടതി കൊളീജിയത്തിന്റെ മാർച്ച് 24 ലെ ശുപാർശ പ്രകാരം ജസ്റ്റിസ് യശ്വന്ത് വർമ്മയെ അലഹബാദ് ഹൈക്കോടതിയിലേക്ക് തിരിച്ചയയ്ക്കാൻ കേന്ദ്ര സർക്കാർ വെള്ളിയാഴ്ച വിജ്ഞാപനം ചെയ്തു. അന്വേഷണം പൂർത്തിയാകുന്നതുവരെ ജസ്റ്റിസ് വർമ്മയ്ക്ക് ഒരു ജുഡീഷ്യൽ ജോലിയും നൽകരുതെന്ന് ചീഫ് ജസ്റ്റിസ് ഖന്ന അലഹബാദ് ഹൈക്കോടതി ചീഫ് ജസ്റ്റിസിനോട് ആവശ്യപ്പെട്ടു.
ഡൽഹിയിലെ ഔദ്യോഗിക വസതിയിൽ വൻതോതിൽ പണം കണ്ടെത്തിയതിനെത്തുടർന്ന് അദ്ദേഹത്തിനെതിരെ ആഭ്യന്തര അന്വേഷണം ആരംഭിച്ചതിന്റെ പശ്ചാത്തലത്തിലാണ് ഈ നീക്കം.
2021 മുതൽ ഡൽഹി ഹൈക്കോടതിയിൽ ജഡ്ജിയായി സേവനമനുഷ്ഠിക്കുന്ന ജസ്റ്റിസ് വർമയുടെ തുഗ്ലക്ക് റോഡിലെ വസതിയിൽ കറൻസി കൂമ്പാരങ്ങൾ കണ്ടെത്തിയതായും അവയിൽ കുറെ കത്തിനശിച്ചതായും റിപ്പോർട്ടുകൾ പുറത്തുവന്നതിനെത്തുടർന്നാണ് വിവാദം ഉണ്ടായത്.
