ബി.ആര്.അംബേദ്കറെ കഴിഞ്ഞ ദിവസം പാര്ലമെന്റില് ആഭ്യന്തരമന്ത്രി അമിത് ഷാ അപമാനിച്ചതിനെതിരെ ശിവസേന രംഗത്തു വന്നു. അംബേദ്കറുടെ പേര് സ്വീകരിക്കുന്നത് ഫാഷനായി മാറിയെന്നും ദൈവത്തിൻ്റെ നാമം സ്വീകരിച്ചിരുന്നെങ്കിൽ സ്വർഗത്തിൽ എത്തുമായിരുന്നെന്നും അമിത്ഷാ ഇന്നലെ പറഞ്ഞിരുന്നു. ഇതിനെതിരെയാണ് ശിവസേനാ മേധാവി ഉദ്ദവ് താക്കറെ രോഷാകുലനായി പ്രതികരിച്ചിരിക്കുന്നത്.
“ഭരണഘടന സംഭാവന നൽകിയ ഒരാളെ ബിജെപി അപമാനിക്കുന്നത് ഞങ്ങൾക്ക് സ്വീകാര്യമല്ല. ബിജെപിയും ആർഎസ്എസും അമിത് ഷായ്ക്കെതിരെ നടപടിയെടുക്കുമോ? അതോ അമിത്ഷായോട് ഇങ്ങനെ പറയാൻ അവർ പറഞ്ഞോ?… പിന്തുണയ്ക്കുന്ന മറ്റ് പാർട്ടികൾക്ക് ഇത് സ്വീകാര്യമാണോ? അത് പറഞ്ഞത് ചന്ദ്രബാബു നായിഡുവായാലും, നിതീഷ് കുമാറായാലും, അജിത് പവാറായാലും അവരുടെ മന്ത്രിസഭയിൽ തുടരുമോ?– ഉദ്ദവ് ചോദിച്ചു.
അംബേദ്കറുടെ പേര് ഉപയോഗിക്കുന്നത് കോൺഗ്രസ് ഒരു ഫാഷനാക്കിയെന്ന് അമിത് ഷാ ചൊവ്വാഴ്ച പറഞ്ഞു. അംബേദ്കറിനുപകരം അവർ പലതവണ ദൈവത്തിൻ്റെ നാമം സ്വീകരിച്ചിരുന്നെങ്കിൽ അവർക്ക് ഏഴ് ജന്മം സ്വർഗം ലഭിക്കുമായിരുന്നുവെന്നും അദ്ദേഹം രാജ്യസഭയിൽ പരിഹസിച്ചു പറയുകയുണ്ടായി. ഈ പരാമർശം പാർലമെൻ്റിൽ നിരവധി ഇന്ത്യൻ ബ്ലോക്ക് എംപിമാരുടെ പ്രതിഷേധത്തിന് കാരണമായി.
