തൻ്റെ റിപ്പോർട്ടിലെ ഉള്ളടക്കം വെളിപ്പെടുത്തരുതെന്ന് ജസ്റ്റിസ് ഹേമ കത്തിലൂടെ സംസ്ഥാന സർക്കാരിനോട് ആവശ്യപ്പെട്ടിട്ടില്ലെന്നും എല്ലാവരെയും തെറ്റിദ്ധരിപ്പിക്കാനാണ് പിണറായി വിജയൻ ശ്രമിക്കുന്നതെന്നും പ്രതിപക്ഷ നേതാവ് വിഡി സതീശൻ . സത്യത്തിൽ ഹേമ സംസ്ഥാന സർക്കാരിന് മുന്നിൽ ആവശ്യപ്പെട്ടത് സുപ്രീം കോടതിയുടെ മാർഗനിർദേശങ്ങൾ പാലിക്കുന്നുണ്ടെന്ന് ഉറപ്പാക്കണം എന്ന് മാത്രമാണ് .”- സതീശൻ പറഞ്ഞു. ഹേമ അയച്ച കത്തിന്റെ പകർപ്പ് സതീശൻ പുറത്തുവിട്ടു.
ഇരകളുടെ പേര് പരസ്യമാക്കരുതെന്നതാണ് സുപ്രീം കോടതിയുടെ മാർഗനിർദേശങ്ങളിൽ ഉൾപ്പെടുന്ന പ്രധാന കാര്യം. പോക്സോ നിയമ സെക്ഷൻ 21 പ്രകാരം കുറ്റം മൂടി വെക്കുന്നത് ശിക്ഷാർഹമാണെന്നും സതീശൻ അവകാശപ്പെട്ടു. ” സെക്ഷൻ 19 അല്ലെങ്കിൽ സെക്ഷൻ 20-ലെ സബ്-സെക്ഷൻ (1) പ്രകാരം ഒരു കുറ്റകൃത്യം റിപ്പോർട്ട് ചെയ്യുന്നതിൽ പരാജയപ്പെടുന്ന അല്ലെങ്കിൽ സെക്ഷൻ 19-ൻ്റെ സബ്-സെക്ഷൻ (2) പ്രകാരം അത്തരം കുറ്റകൃത്യം രേഖപ്പെടുത്തുന്നതിൽ പരാജയപ്പെടുന്ന ഏതൊരു വ്യക്തിയും ശിക്ഷിക്കപ്പെടും. ഒന്നുകിൽ ആറ് മാസം വരെ തടവോ പിഴയോ അല്ലെങ്കിൽ രണ്ടും കൂടിയോആണ് ശിക്ഷ .”- സതീശൻ കൂട്ടിച്ചേർത്തു.
