മുതിർന്ന ഐഎഎസ് ഉദ്യോഗസ്ഥ ശാരദ മുരളീധരനെ അടുത്ത ചീഫ് സെക്രട്ടറിയായി നിയമിക്കും. ബുധനാഴ്ച മുഖ്യമന്ത്രി പിണറായി വിജയൻ്റെ അധ്യക്ഷതയിൽ ചേർന്ന മന്ത്രിസഭാ യോഗമാണ് ഇക്കാര്യത്തിൽ തീരുമാനമെടുത്തത്. ആഗസ്ത് 31 -ന് സ്ഥാനമൊഴിയുന്ന ചീഫ് സെക്രട്ടറി ഡോ. വി.വേണുവിൻ്റെ ഭാര്യയാണ് ശാരദ. 1990 ബാച്ച് ഐഎഎസ് ഉദ്യോഗസ്ഥനായ മുരളീധരൻ നിലവിൽ അഡീഷണൽ ചീഫ് സെക്രട്ടറി (പ്ലാനിംഗ്) ആയി സേവനമനുഷ്ഠിക്കുകയാണ്.
ഡോ. വി.വേണുവും ശാരദ മുരളീധരനും 1990 ബാച്ച് ഐഎഎസ് ഉദ്യോഗസ്ഥരാണ്. ഇവരെക്കാള് സീനിയോറിറ്റിയുള്ളതു മനോജ് ജോഷിക്കു മാത്രമാണ്. 2027 ജനുവരി വരെ കാലാവധിയുള്ള മനോജ് ജോഷി കേന്ദ്ര ഡപ്യൂട്ടേഷനിലാണ് . ശാരദയ്ക്കു 2025 ഏപ്രില് വരെ കാലാവധിയുണ്ട്. മുന്പു വി.രാമചന്ദ്രനും പത്മ രാമചന്ദ്രനും , ബാബു ജേക്കബും ലിസി ജേക്കബും ചീഫ് സെക്രട്ടറി സ്ഥാനത്ത് ദമ്പതിമാരെന്ന പ്രത്യേകതയിൽ ഇരുന്നിട്ടുണ്ടെങ്കിലും ഒരാള്ക്കു തൊട്ടുപിന്നാലെയല്ല മറ്റെയാള് പദവിയിലെത്തിയത്.
