സ്കാനിങിനെത്തിയ യുവതി വസ്ത്രംമാറുന്ന ദൃശ്യങ്ങൾ പകർത്തിയ റേഡിയോഗ്രാഫർ അറസ്റ്റിൽ. കൊല്ലം കടയ്ക്കൽ ചിതറ മടത്തറ നിതീഷ് ഹൗസിൽ അൻജിത്ത് (24) ആണ് പിടിയിലായത്. അടൂർ ജനറൽ ആശുപത്രിക്ക് സമീപമുളള സ്കാനിംഗ് സെന്ററിലാണ് സംഭവം.
എം ആർ ഐ സ്കാൻ എടുക്കാൻ എത്തിയതായിരുന്നു യുവതി. വസ്ത്രം മാറുന്നതിനിടയിൽ യുവാവ് ഇത് മൊബൈലിൽ പകർത്തിയോ എന്ന് യുവതിക്ക് സംശയം തോന്നി. തുടർന്ന് പൊലീസിൽ പരാതി നൽകുകയായിരുന്നു. യുവാവ് ഫോണിൽ ദൃശ്യങ്ങൾ പകർത്തുന്നതിന്റെ സിസിടിവി ദൃശ്യങ്ങൾ പൊലീസിന് ലഭിച്ചിട്ടുണ്ട്. തുടർന്ന് അറസ്റ്റ് ചെയ്യുകയായിരുന്നു.
