അമ്മയുടെ മാതൃക പിന്തുടരും- ചാൾസ് മൂന്നാമൻ സ്ഥാനാരോഹണ ചടങ്ങിൽ

തന്റെ മഹത്തായ അനന്തരാവകാശത്തെക്കുറിച്ചും കടമകളെക്കുറിച്ചും പരമാധികാരത്തിന്റെ ഭാരിച്ച ഉത്തരവാദിത്തങ്ങളെക്കുറിച്ചും ആഴത്തിൽ ബോധവാനാണെന്നും തന്റെ അമ്മ അന്തരിച്ച എലിസബത്ത് രാജ്ഞിയുടെ പ്രചോദനാത്മക മാതൃക പിന്തുടരാൻ ശ്രമിക്കുമെന്നും ബ്രിട്ടനിലെ ചാൾസ് മൂന്നാമൻ രാജാവ് ശനിയാഴ്ച പറഞ്ഞു.ചരിത്രത്തിലാദ്യമായി ടെലിവിഷൻ സംപ്രേക്ഷണം ചെയ്ത സ്ഥാനാരോഹണ ചടങ്ങിൽ ചാൾസ് മൂന്നാമനെ ബ്രിട്ടന്റെ പുതിയ രാജാവായി ശനിയാഴ്ച പ്രഖ്യാപിച്ചു. തുടർന്ന് ചാൾസ് തന്റെ പ്രഖ്യാപന പ്രസംഗം നടത്തി. തന്റെ അമ്മ പരേതനായ എലിസബത്ത് രാജ്ഞി ആജീവനാന്ത സ്നേഹത്തിന്റെയും നിസ്വാർത്ഥ സേവനത്തിന്റെയും ഉദാഹരണമാണ് നൽകിയതെന്നും അവരുടെ ഭരണം സമാനതകളില്ലാത്തതാണെന്നും ചാൾസ് പറഞ്ഞു.