ദ്രൗപദി മുർമു ഭയമോ പക്ഷപാതമോ ഇല്ലാതെ പ്രവർത്തിക്കുമെന്ന് പ്രതീക്ഷിക്കുന്നു: യശ്വന്ത് സിൻഹ

ഇന്ത്യയുടെ പതിനഞ്ചാമത് രാഷ്ട്രപതിയായി തിരഞ്ഞെടുക്കപ്പെട്ട ദ്രൗപദി മുർമുവിന് ആശംസ നേർന്ന് പ്രതിപക്ഷത്തിന്റെ രാഷ്ട്രപതി സ്ഥാനാർത്ഥി യശ്വന്ത് സിൻഹ.”2022 ലെ പ്രസിഡന്റ് തെരഞ്ഞെടുപ്പിലെ വിജയത്തിന് ശ്രീമതി ദ്രൗപതി മുർമുവിനെ അഭിനന്ദിക്കുന്നതിൽ ഞാൻ എന്റെ സഹ പൗരന്മാരോടൊപ്പം ചേരുന്നു. റിപ്പബ്ലിക്കിന്റെ 15-ാമത് പ്രസിഡന്റ് എന്ന നിലയിൽ അവർ ഭയമോ പക്ഷപാതമോ കൂടാതെ ഭരണഘടനയുടെ സംരക്ഷകയായി പ്രവർത്തിക്കുമെന്ന് ഇന്ത്യ പ്രതീക്ഷിക്കുന്നു,” യശ്വന്ത് സിൻഹ ട്വീറ്റ് ചെയ്തു. രാഷ്ട്രപതി തെരഞ്ഞെടുപ്പിനുള്ള സ്ഥാനാർത്ഥിയായി തന്നെ നോമിനേറ്റ് ചെയ്ത പ്രതിപക്ഷ പാർട്ടികളോട് യശ്വന്ത് സിൻഹ നന്ദി അറിയിച്ചു.
“ഈ തിരഞ്ഞെടുപ്പിൽ എന്നെ സമവായ സ്ഥാനാർത്ഥിയായി തിരഞ്ഞെടുത്തതിന് പ്രതിപക്ഷ രാഷ്ട്രീയ പാർട്ടികളുടെ നേതാവിന് ഞാൻ ആത്മാർത്ഥമായി നന്ദി പറയുന്നു. എനിക്ക് വോട്ട് ചെയ്ത ഇലക്ടറൽ കോളേജിലെ എല്ലാ അംഗങ്ങൾക്കും ഞാൻ നന്ദി പറയുന്നു,” യശ്വന്ത് സിൻഹ പറഞ്ഞു.“എന്റെ രാജ്യത്തോടുള്ള സ്‌നേഹം നിമിത്തം ഞാൻ എന്റെ കടമ മനഃസാക്ഷിയോടെ നിർവഹിച്ചു. എന്റെ പ്രചാരണ വേളയിൽ ഞാൻ ഉന്നയിച്ച പ്രശ്നങ്ങൾ പ്രസക്തമായി തുടരുന്നു,” രാഷ്ട്രപതി തിരഞ്ഞെടുപ്പ് ഫലപ്രഖ്യാപനത്തിന് ശേഷം യശ്വന്ത് സിൻഹ പറഞ്ഞു.
ആകെ വോട്ടിന്റെ 69 ശതമാനം ദ്രൗപതി മുർമുവിന് ലഭിച്ചു. ഇന്ത്യയിലെ ആദ്യത്തെ ഗോത്രവർഗ രാഷ്ട്രപതിയാണ് മുർമു.