കരിങ്കടലിലെ സ്നേക്ക് ഐലൻഡിന് സമീപം മറ്റൊരു റഷ്യൻ കപ്പൽ തകർത്തതായി ഉക്രൈൻ. കരിങ്കടലിൽ ഡ്രോൺ ഉപയോഗിച്ച് റഷ്യൻ കപ്പൽ നശിപ്പിച്ചതിന്റെ ബ്ലാക്ക് ആൻഡ് വൈറ്റ് ദൃശ്യങ്ങൾ യുക്രെയ്നിലെ സായുധ സേന പുറത്തുവിട്ടു. “ഉക്രേനിയൻ ബയ്രക്തർ ടിബി 2 മറ്റൊരു റഷ്യൻ കപ്പൽ നശിപ്പിച്ചു. ഇത്തവണ “സെർന” പദ്ധതിയുടെ ലാൻഡിംഗ് ക്രാഫ്റ്റ് ആണ് നശിപ്പിച്ചത്. ”ഉക്രെയ്ൻ പ്രതിരോധ വക്താവ് ഒരു ട്വീറ്റിൽ പറഞ്ഞു.
അതിനിടെ, വിജയദിനാഘോഷങ്ങൾക്കായി തുറമുഖം കീഴടക്കാമെന്ന പ്രതീക്ഷയിൽ റഷ്യൻ സൈന്യം ശനിയാഴ്ച തെക്കൻ ഉക്രേനിയൻ നഗരമായ ഒഡെസയിൽ ക്രൂയിസ് മിസൈലുകൾ തൊടുത്തുവിട്ടു. റഷ്യയുടെ പ്രധാന യുദ്ധലക്ഷ്യമായ മില്ലിൽ നിന്ന് എല്ലാ സ്ത്രീകളെയും കുട്ടികളെയും മുതിർന്നവരെയും ഒഴിപ്പിച്ചതായി ഉക്രെയ്ൻ പ്രഖ്യാപിച്ചു.
റഷ്യയുടെ ഷെല്ലാക്രമണത്തിന്റെ പ്രധാന ലക്ഷ്യമായി തുടരുമ്പോഴും, രാജ്യത്തെ രണ്ടാമത്തെ വലിയ നഗരമായ ഖാർകിവിന് ചുറ്റും ഉക്രേനിയൻ പ്രത്യാക്രമണം പുരോഗമിക്കുകയാണെന്ന് പാശ്ചാത്യ സൈനിക വിശകലന വിദഗ്ധർ പറഞ്ഞു.
