കാബൂൾ താലിബാന്റെ കീഴിലാകുന്നതിന് ദിവസങ്ങൾക്ക് മുമ്പ് തന്റെ സ്ഥാനം രാജിവച്ച മുൻ അഫ്ഗാനിസ്ഥാൻ ധനമന്ത്രി ഖാലിദ് പയേൻഡ ഇപ്പോൾ കുടുംബത്തെ പോറ്റുന്നതിനായി വാഷിംഗ്ടൺ ഡിസിയിൽ ഒരു യൂബർ ഓടിക്കുകയാണെന്ന് വാഷിംഗ്ടൺ പോസ്റ്റിന്റെ റിപ്പോർട്ട് പറയുന്നു. ജോർജ്ടൗൺ യൂണിവേഴ്സിറ്റിയിൽ അഡ്ജംഗ്റ്റ് പ്രൊഫസറായും പയേൻഡ പ്രവർത്തിക്കുന്നു.
ഈ ജോലി തന്റെ ജീവിതത്തിൽ വലിയ മാറ്റമുണ്ടാക്കിയതായി പയേൻഡ വാഷിംഗ്ടൺ പോസ്റ്റിനോട് പറഞ്ഞു അഫ്ഗാനിസ്ഥാനിൽ താലിബാൻ പിടിച്ചടക്കിയതിന് ഉത്തരവാദി അമേരിക്കയാണെന്ന് പയേൻഡ പറഞ്ഞു. രണ്ട് ദശാബ്ദക്കാലത്തെ സംഘർഷത്തിന് ശേഷം 2021 ഓഗസ്റ്റിൽ അമേരിക്ക അഫ്ഗാനിസ്ഥാനിൽ നിന്ന് പിൻവാങ്ങുകയായിരുന്നു. ലോക വ്യാപാര കേന്ദ്രം ആക്രമണത്തിന് ശേഷമുള്ള നയത്തിന്റെ കേന്ദ്രബിന്ദുവായി അഫ്ഗാനിസ്ഥാനെ മാറ്റിയതിന് ശേഷം അമേരിക്ക ജനാധിപത്യത്തോടും മനുഷ്യാവകാശങ്ങളോടും ഉള്ള പ്രതിബദ്ധതയെ ഒറ്റിക്കൊടുത്തുവെന്നും അദ്ദേഹം പറഞ്ഞു.
